អភិបាលខេត្តស្ទឹងត្រែង ថ្លែងអំណរគុណចំពោះមន្ទីររៀបចំដែនដីខេត្ត និងអ្នកពាក់ព័ន្ធដែលខិតខំពុះពារ បំពេញភារកិច្ចយ៉ាងសកម្ម ប្រកបដោយការទទួលខុសត្រូវខ្ពស់ ក្នុងការចុះបញ្ជីដីធ្លីមានលក្ខណៈជាប្រព័ន្ធ

ភ្នំពេញ៖ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្ត និងជាប្រធានគណៈកម្មាធិការគ្រប់គ្រងដីរដ្ឋថ្នាក់ខេត្តស្ទឹងត្រែង បានថ្លែងអំណរគុណចំពោះមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មន្ត្រី ជំនាញ ព្រមទាំងក្រុមចុះបញ្ជីចិត្ត ចុះបញ្ជីដីធ្លីលក្ខណៈជាប្រព័ន្ធទាំងអស់ ដែលបានខិតខំពុះពារ បំពេញភារកិច្ចយ៉ាងសកម្ម ប្រកបដោយការទទួលខុសត្រូវខ្ពស់ ចាប់តាំងពីពេលប្រកាសតំបន់វិនិច្ឆ័យ ចុះកំណត់ព្រំ ចុះវាស់វែង បំពេញទិន្នន័យក្បាលដី សម្របសម្រួលវិវាទព្រំដីមួយចំនួន ចុះបញ្ជីដីធ្លីមានលក្ខណៈជាប្រព័ន្ធនាពេលនេះ រហូតឈានដល់ការបិទផ្សាយជាសាធារណៈ នូវឯកសារនៃការ ហើយនឹងឈានដ ដល់ការចេញជាប័ណ្ណកម្មសិទ្ធិជូនបងប្អូនប្រជាពលរដ្ឋក្នុងពេលឆាប់ៗនេះ។

ឯកឧត្ដមបានមានប្រសាសន៍បែបនេះ ក្នុងឳកាសអញ្ជើញជាអធិបតីក្នុងពិធីបិទផ្សាយជាសាធារណៈ នូវឯកសារនៃការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ ក្នុងភូមិថ្មី សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង នាថ្ងៃទី៣០ ខែមករា ឆ្នាំ២០២៤នេះ។

ឯកឧត្តម ស្វាយ សំអ៊ាង បានបញ្ជាក់ថា ជាការពិតណាស់ ការសម្រេចបាននូវលទ្ធផលទាំងនេះ គឺពិតជាពុំអាចកាត់ផ្តាច់បានពីការ ចូលរួមសហការ និងការគាំទ្រពីរដ្ឋបាលក្រុងស្ទឹងត្រែង ក្រុមប្រឹក្សាសង្កាត់សាមគ្គី ង ក្រុមប្រឹក្សាសង្កាត់សាមគ្គី មេភូមិថ្មី ពិសេសការចូលរួមពីបង បួនប្រជាពលរដ្ឋជាម្ចាស់ក្បាលដី ដែលកន្លងមកតែងតែបានសហការយ៉ាងល្អជាមួយអាជ្ញាធរ និងក្រុមការងារ បច្ចេកទេសចុះវាស់វែង បញ្ចូលទិន្នន័យក្បាលដី ធ្វើឲ្យការចុះបញ្ជីដីធ្លីមានលក្ខណៈជាប្រព័ន្ធក្នុងភូមិថ្មី សង្កាត់សាមគ្គី របស់យើងសម្រេចបានលទ្ធផលនាពេលនេះ។

ឯកឧត្តមបន្តថា ការចូលរួមពីគ្រប់ភាគីពាក់ព័ន្ធ ពិតជាបានបង្ហាញនូវសមិទ្ធផលថ្មី មួយទៀតក្នុងចំណោមសមិទ្ធផលជាច្រើនដែលបានកសាងឡើងក្នុងសង្កាត់សាមគ្គីយើងនេះ ស្ថិតក្រោមមាគ៌ាសុខ សន្តិភាព ស្ថិរភាពនយោបាយ និងសណ្ដាប់ធ្នាប់សង្គមល្អប្រសើរ។

ឯកឧត្តម ស្វាយ សំអ៊ាង បានបន្ថែមទៀតថា ការរួមចំណែកជាមួយរាជរដ្ឋាភិបាល ក្នុងការអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់ កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី ធានារក្សាការពារបានយ៉ាងរឹងមាំនូវសុខសន្តិភាព ស្ថិរភាពនយោបាយ និងការអភិវឌ្ឍសេដ្ឋកិច្ចសង្គមលើ គ្រប់វិស័យ រួមនឹងសមិទ្ធផលធំៗថ្មីៗជាច្រើនទៀតដែលកំពុងលេចរូបរាងឡើងជាបន្តបន្ទាប់។

សូមបញ្ជាក់ថា សម្រាប់សង្កាត់សាមគ្គីមានសមិទ្ធផលជាច្រើនបានកើតឡើងនៅក្នុងដំណាក់កាលចុងក្រោយនេះ ដូចជាផ្លូវបេតុង ស្ពានបេតុង ឆ្លងទន្លេមេគង្គ ដាឡូ លូគ្រប់ប្រភេទ សំណង់អាគាររដ្ឋបាល ផ្លូវកៅស៊ូ ផ្លូវគ្រួសក្រហម បណ្តាញផ្គត់ផ្គង់អគ្គិសនី បណ្តាញ ទឹកស្អាត និងសមិទ្ធផលហេដ្ឋារចនាសម្ព័ន្ធជាច្រើនទៀតដូចដែលយើងទាំងអស់គ្នាឃើញស្រាប់ រួមទាំងការងារ សង្គមកិច្ចមួយចំនួនទៀត ដែលបានឆ្លើយតប និងដោះស្រាយជូនប្រជាពលរដ្ឋ ក្នុងនោះរួមទាំងការដោះស្រាយ ទំនាស់ដីធ្លី ការផ្តល់ដីសម្បទានសង្គមកិច្ច វិធានការបង្ការ និងឆ្លើយតបគ្រោះមហន្តរាយធម្មជាតិ គ្រោះថ្នាក់សង្គម ការឧបត្ថម្ភដល់គ្រួសារមានជីវភាពក្រីក្រ រួមទាំងការទប់ស្កាត់បទល្មើសគ្រឿងញៀន និងធនធានធម្មជាតិជាដើម៕