ឯកឧត្តម អ៊ូច ភា ដឹងនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២៣និងលើកទិសដៅឆ្នាំ២០២៤ របស់សាខាកាកបាទក្រហមកម្ពុជាខេត្តតាកែវ
ភ្នំពេញ៖ នាព្រឹកថ្ងៃព្រហស្បតិ៍ ទី ១៨ ខែមករា ឆ្នាំ២០២៤ ឯកឧត្តម អ៊ូច ភា អភិបាលខេត្តតាកែវ នឹងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានអញ្ជេីញជាអធិបតីភាពបេីកកិច្ចប្រជុំបូកសរុបលទ្ធផលការងារប្រចាំឆ្នាំ២០២៣ និងលើកទិសដៅឆ្នាំ២០២៤ របស់សាខាកាកបាទក្រហមកម្ពុជាខេត្តតាកែវ។
កិច្ចប្រជុំនេះធ្វេីឡេីងនៅសាលប្រជុំរដ្ឋបាលខេត្តតាកែវ នឹងដោយមានការអញ្ជេីញចូលរួមពីសំណាក់អស់លោក លោកស្រីប្រធានមន្ទីរអង្គភាពជុំវិញខេត្ត នឹងលោក លោកស្រី អភិបាល អភិបាលរងក្រុងស្រុក ដែលជាសមាជិក សមាជិកាសាខា-អនុសាខាកាកបាទក្រហមកម្ពុជាខេត្តក្រុងស្រុុក។
ឯកឧត្ដម អ៊ូច ភា អភិបាលខេត្តតាកែវ និងជាប្រធានសាខាកាកបាទក្រហមកម្ពុជាខេត្ត បានថ្លែងការកោតសរសើរ និងថ្លែងអំណរគុណ ចំពោះ ឯកឧត្តម លោកជំទាវ លោក លោកស្រីទាំងអស់ ដែលមានវត្តមានចូលរួមប្រជុំដើម្បីបូកសរុបលទ្ធផលដែលសាខាសម្រេចបានរយៈពេល ១ ឆ្នាំ កន្លងទៅ ដែលសមទ្ធិផលការងារនេះគឺជាការខិតខំប្រឹងប្រែង យកចិត្តទុកដាក់ក្នុងសកម្មភាពការងារមនុស្សធម៌ដោយសហការគ្នាបានល្អប្រសើររបស់គណៈកម្មាធិការសាខា ក្រុមប្រតិបត្តិសាខា ក្នុងការរួមចំណែកជួយគ្នាទៅវិញទៅមក លើការងារមនុស្សធម៌ក្នុងទូទាំងខេត្ត។
ក្នុងនាមជាប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវ ឯកឧត្ដម អ៊ូច ភា សូមថ្លែងអំណរគុណ ដ៏ខ្ពង់ខ្ពស់បំផុតជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលតែងតែគិតគូរពីសុខទុក្ខប្រជាពលរដ្ឋគ្រប់ពេលវេលាគ្រប់ទីកន្លែង ដោយមិនប្រកាន់បក្សពួក ពណ៌សម្បុរ ឬ និន្នាការនយោបាយអ្វីឡើយ។
សូមបញ្ជាក់ថា បើតាមរបាយការណ៍សកម្មភាពនិងថវិកាប្រចាំឆ្នាំ២០២៣ និងផែនការសកម្មភាពថវិកាសម្រាប់ឆ្នាំ២០២៤របស់សាខាកាកបាទក្រហមកម្ពុជាខេត្តថា សាខាបាននាំយកអំណោយមនុស្សធម៌រួមនឹងសម្ភារៈថវិកាទៅចែកជូនគ្រួសារប្រជាពលរដ្ឋ រងគ្រោះគ្រប់ប្រភេទទូទាំងខេត្តបានចំនួន ២,៥៩៤គ្រួសារក្នុងនោះរួមមាន៖ មាតុភាព ៥៦គ្រួសារ, ក្រីក្រ ៩២៧គ្រួសារ, ជរាគ្មានទីពឹង ២៨គ្រួសារ, ជំងឺទូទៅ ២៩គ្រួសារ, អេដស៍ ១៤៤នាក់, អគ្គីភ័យ ២៨គ្រួសារ, ខ្យល់កន្រ្ទាក់ ១,២៦៤គ្រួសារ, គ្រោះថ្នាក់ចរាចរណ៍ ១នាក់, រន្ទះបាញ់ ៧នាក់, សព ១០៧នាក់, ពិការ ២នាក់, ប្រគល់ផ្ទះ ១គ្រួសារ, សម្ភារៈចែកជូនរួមមាន៖ អង្ករ ៦០,៣៧៥គីឡូក្រាម, ក្រណាត់តង់ ១,២៩៣តង់, កន្ទេសជ័រ ២,២៤៨កន្ទេល, មុង ២,២៤៩មុង, ភួយ ២,២៤៩ភួយ, សារុង ២,២៤៩សារុង, ក្រមា ២,២៤៩ក្រមា, មី ៩៥៦កេស, ត្រីខកំប៉ុង ៥០យួរ, ទឹកក្រូច ២២៨កេស, ទឹកបរិសុទ្ធ ២២៨កេស, ទឹកដោះគោឆៅ ៥២ឡូ, ទឹកដោះគោក្រដាស ៤កេស, ទឹកដោះគោម្សៅសម្រាប់ទារក ៤កំប៉ុង, ឃីតកុមារ ៥០ឃីត, អាវយឺត ២៥អាវ, សម្ភារៈផ្ទះបាយ ២៨ឃីត, ស្ករស ៥០គីឡូក្រាម, ចំណាយជាថវិកាក្នុងរយៈពេល១ឆ្នាំ២០២៣ សាខាកាបាទក្រហមចំណាយជាថវិកាចំនួន ៤៣៥,៧៤៨,៨០០រៀល និងដុល្លារចំនួន ២៩,៣៩៣ដុល្លារអាមេរិក ៕
