ឧត្តមសេនីយ៍ទោ សេង ធារិន អញ្ជើញសំណេះសំណាលសួសុខទុក្ខ និងផ្សព្វផ្សាយសភាពការណ៍ថ្មី ដល់នាយទាហាន ពលទាហាន ចំណុះមន្ទីពេទ្យយោធភូមិភាគទី៥

ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ នៅថ្ងៃទី១០ ខែមករា ឆ្នាំ២០២៤ បានអញ្ជើញជាអធិបតីក្នុងពិធីសំណេះសំណាលសួសុខទុក្ខ និងផ្សព្វផ្សាយសភាពការណ៍ថ្មី ដល់នាយទាហាន នាយទាហានរង និងពលទាហាន ចំណុះមន្ទីពេទ្យយោធភូមិភាគទី៥។

ឧត្តមសេនីយ៍ទោ សេង ធារិន បានថ្លែងអំណរគុណ និងកោតសរសើរដល់ នាយទាហាន នាយទាហានរង ពលទាហាន ទាំងអស់ ដែលបានចូលរួមយ៉ាងសកម្ម ក្នុងការបំពេញភារកិច្ចនាពេលកន្លងមក ប្រកបដោយជោគជ័យ និងទទួលបានលទ្ធផលល្អប្រសើរ និងបានណែនាំដល់នាយ-ពលទាហានទាំងអស់ ត្រូវវខិតខំយកចិត្តទុកដាក់បំពេញភារកិច្ចដែលថ្នាក់លើបានប្រគល់ឲ្យបានសម្រេចតាមគោលដៅដែលបានកំណត់។

ឆ្លៀតក្នុងឱកាសនោះដែរ ឧត្តមសេនីយ៍ទោ សេង ធារិន បានដាស់តឿនដល់ នាយទាហាន នាយទាហានរង ពលទាហានឱ្យអនុវត្តជាដាច់ខាតដើម្បីចៀសវាងនូវបញ្ហាប្រឈមដែលពាក់ព័ន្ធនិងគ្រឿងញៀន ក្នុងនោះសង្កត់ធ្ងន់អំពីតួនាទីភារកិច្ចចំពោះមុខរបស់យោធិនទាំងអស់ ដែលត្រូវយកចិត្តទុកដាក់ក្នុងការអនុវត្តតាមបទបញ្ជារបស់ថ្នាក់លើប្រគល់ជូន ឱ្យបានជោគជ័យ ព្រមទាំងត្រៀមកម្លាំងអន្តរាគមន៍ឱ្យបានជាប់ជាប្រចាំ ដើម្បីដោះស្រាយបានទាន់ពេលវេលា នៅពេលមានបញ្ហាដែលកើតមានឡើងជាយថាហេតុ៕