ពិតមែនហើយ! បងប្អូនកម្មករនិយោជិត ដែលបានចុះឈ្មោះជាសមាជិក ប.ស.ស. នៃក្រសួងការងារ នោះនឹងទទួលបានរបបធានារ៉ាប់រងសន្តិសុខសង្គម
ភ្នំពេញ៖ ពិតមែនហើយ! បងប្អូនកម្មករនិយោជិត ដែលបានចុះឈ្មោះជាសមាជិកបេឡាជាតិសន្តិសុខសង្គម ឬហៅកាត់ ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ នោះនឹងទទួលបានរបបធានារ៉ាប់រងសន្តិសុខសង្គមដូចជា៖ របបសន្តិសុខសង្គមផ្នែកហានិភ័យការងារ, របបសន្តិសុខសង្គមផ្នែកថែទាំសុខភាព, របបសន្តិសុខសង្គមផ្នែកប្រាក់សោធន។
សម្រាប់សមាជិក ប.ស.ស. ជាស្រ្តីសម្រាលកូននឹងទទួលបានអត្ថប្រយោជន៍ដូចជា៖
➤ សេវាសម្រាល សេវាថែទាំមុន និងក្រោយពេលសម្រាល ដោយឥតគិតថ្លៃ
➤ ប្រាក់បំណាច់ប្រចាំថ្ងៃ ៧០% នៃប្រាក់ឈ្នួលជាប់ភាគទានប្រចាំថ្ងៃចំនួន ៩០ថ្ងៃ នៃការឈប់សម្រាក មុននិងក្រោយសម្រាលកូន (បានបង់ភាគទានមក ប.ស.ស. បានយ៉ាងតិច ៩ខែក្នុងអំឡុងពេល ១២ខែចុងក្រោយគិតមកដល់ខែសម្រាលកូន)
➤ ប្រាក់ឧបត្ថម្ភបន្ថែមពីរាជរដ្ឋាភិបាល
ការពារកម្មករនិយោជិតរបស់អ្នក ចុះឈ្មោះកម្មករនិយោជិតអ្នកជាសមាជិក ប.ស.ស. ឱ្យបានគ្រប់ៗគ្នា!
សម្រាប់ព័ត៌មានបន្ថែម សូមអញ្ជើញមកទីស្នាក់ការ ប.ស.ស. ដែលនៅជិតលោកអ្នកទូទាំងប្រទេស ឬទំនាក់ទំនងមកកាន់លេខ ១២៨៦ ឬតាមរយៈប្រព័ន្ធផ្សព្វផ្សាយបណ្ដាញសង្គមរបស់យើង។លក្ខខណ្ឌផ្សេងៗត្រូវបានអនុវត្ត៕
