សេអ៊ូល៖ កូរ៉េខាងជើងអាចនឹងបាញ់សាកល្បងមីស៊ីលផ្លោងអន្តរទ្វីប (ICBM) នៅខែនេះ នេះបើតាមមន្ត្រីជាន់ខ្ពស់កូរ៉េខាងត្បូងបានឲ្យដឹងនៅថ្ងៃសុក្រ ទី១៥ ខែធ្នូ មុនពេលពិភាក្សាជាមួយមន្ត្រីសហរដ្ឋអាមេរិក ស្តីពីការឆ្លើយតបទៅនឹងការគំរាមកំហែងអាវុធនុយក្លេអ៊ែររបស់ទីក្រុងព្យុងយ៉ាង។
លោក Kim Tae-hyo អនុទីប្រឹក្សាសន្តិសុខជាតិរបស់កូរ៉េខាងត្បូងបានបដិសេធមិនបញ្ជាក់លម្អិតដោយផ្អែកលើការអត្ថាធិប្បាយរបស់គាត់ ប៉ុន្តែបាននិយាយថា មីស៊ីលផ្លោងរបស់កូរ៉េខាងជើងគឺជាការផ្តោតសំខាន់នៃយុទ្ធសាស្ត្រ ការរារាំងបន្ថែម របស់ទីក្រុងវ៉ាស៊ីនតោន។
លោក Kim បានប្រាប់អ្នកយកព័ត៌មាននៅពេលគាត់ទៅដល់ទីក្រុងវ៉ាស៊ីនតោនថា ការទប់ស្កាត់បន្ថែមគឺអំពីការស្វែងរកមធ្យោបាយដើម្បីទម្លាក់ (ការវាយប្រហារនុយក្លេអ៊ែរ) ឱ្យបានឆាប់ និងសម្រេច ហើយឥឡូវនេះនៅក្នុងខែធ្នូ ខ្ញុំជឿថាមានលទ្ធភាពនៃការបាញ់បង្ហោះ ICBM ដោយកូរ៉េខាងជើង។
លោក Kim បានបន្ថែមថា កាំជ្រួចមីស៊ីលផ្លោងរបស់កូរ៉េខាងជើង គឺជាការគំរាមកំហែងនុយក្លេអ៊ែរ ដោយមិនគិតពីចម្ងាយរបស់ពួកគេឡើយ ព្រោះពួកគេអាចផ្ទុកក្បាលគ្រាប់នុយក្លេអ៊ែរ។
កូរ៉េខាងជើងបានបង្កើត និងសាកល្បងកាំជ្រួចផ្លោងជាច្រើនគ្រាប់ដែលអាចបាញ់ដល់គោលដៅនៅកូរ៉េខាងត្បូង ជប៉ុន និងសហរដ្ឋអាមេរិកដីគោក។
ប្រភព៖ CNA
ប្រែសម្រួលដោយ៖ ហៃ ឆៃមុីនាង
