អនុសាខាកាកបាទក្រហមកម្ពុជា ស្រុកពាមរក៍ នាំយកអំណោយមនុស្សធម៌ ផ្តល់ជូនគ្រួសារងាយរងគ្រោះ ៣គ្រួសារ
ភ្នំពេញ៖ លោកស្រី សេង ទៀង ប្រធានគណ:កម្មាធិការអនុសាខាស្រុក និងសហការី ក្រុមការងារកាកបាទក្រហមឃុំ នៅថ្ងៃទី៤ ខែ ធ្នូ ឆ្នាំ២០២៣ បានចុះសួរសុខទុក្ខ នាំយកអំណោយមនុស្សធម៌ផ្តល់ជូនដល់ គ្រួសារក្រីក្រ អ្នកមានជំងឺ ចំនួន ៣គ្រួសារ/នាក់ក្នុងនោះ (គ្រួសារក្រីក្រ ១គ្រួសារ និងអ្នកមានជំងឺ ២នាក់) នៅក្នុងឃុំពាមរក៍ ស្រុកពាមរក៍ ខេត្តព្រៃវែង ។
នាឱកាសនោះ លោកស្រីប្រធានគណ:កម្មាធិការអនុសាខាស្រុក បាននាំយកនូវប្រសាសន៍ផ្តាំផ្ញើសាកសួរសុខទុក្ខពីសំណាក់ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត ពិសេស ឯកឧត្តម អភិសន្តិបណ្ឌិត ស សុខា ប្រធានកិត្តិយសសាខាកាកបាទក្រហមកម្ពុជាខេត្តព្រៃវែង ដែលជានិច្ចកាលលោកតែងតែគិតដល់សុខទុក្ខប្រជាពលរដ្ឋគ្រប់ស្រទាប់វណ្ណ: ដោយមិនប្រកាន់ពណ៌សម្បុរ ពូជសាសន៍ និន្នាការនយោបាយអ្វីឡើយ ស្របតាមពាក្យស្លោក “ទីណាមានទុក្ខលំបាក ទីនោះមានកាកបាទក្រហមកម្ពុជា” និងបានផ្តាំផ្ញើដល់បងប្អូនប្រជាពលរដ្ឋត្រូវចេះការពារ និងទប់ស្កាត់ការរីករាលដាលនៃជំងឺ(កូវីដ-១៩) ត្រូវពាក់ម៉ាស លាងដៃជាមួយសាប៊ូជាប្រចាំ បាញ់អាល់កុលសំអាតដៃ និងអនុវត្តតាមការណែនាំរបស់ក្រសួងសុខាភិបាល ៣ ការពារ និង៣កុំ ជាពិសេសអនាម័យជាប់ជាកិច្ច ជាពិសេសហូបស្អាត ផឹកស្អាត រស់នៅស្អាត ទើបសុខភាពល្អ និង អប់រំផ្សព្វផ្សាយបន្ថែម ដល់បងប្អូនប្រជាពលរដ្ឋនៅតាមសហគមន៍ អំពីការប្រែប្រួលអាកាសធាតុ និងបរិស្ថាន ផ្តោតលើការកាត់បន្ថយការប្រើប្រាស់ថង់បា្លស្ទិកស្របតាមពាក្យស្លោក “ថ្ងៃនេះ ខ្ញុំមិនប្រើថង់ប្លាស្ទិកទេ” ។
-អនុសាខាស្រុក សម្ភារៈផ្តល់ជូនក្នុងមួយគ្រួសារ/នាក់ទទួលបានមាន៖ អង្ករ ១៥គ.ក មី ២០កញ្ចប់ ទឹកត្រី ១ដប ទឹកស៊ីអ៉ីវ ១ដប ស្ករសកន្លះ គ.ក ភេសជ្ជ: ៤កំប៉ុង សម្ភារៈដំណេក ១ឈុត និងថវិកាចំនួន ៤០,០០០រៀល ដោយឡែកអ្នកមានជំងឺ ទទួលបានថវិកាចំនួន ១៤០,០០០រៀល។
