កូរ៉េខាងជើងត្រូវបានគេជឿថាបាននាំចេញគ្រាប់ផ្លោងជាង ១ លានគ្រាប់ទៅកាន់ប្រទេសរុស្ស៊ី
សេអ៊ូល៖ កូរ៉េខាងជើងបាននាំចេញគ្រាប់ផ្លោងជាង១លានគ្រាប់ទៅកាន់ប្រទេសរុស្ស៊ីចាប់តាំងពីដើមខែសីហាមកនេះបើយោងតាមសេវាស៊ើបការណ៍សម្ងាត់ជាតិរបស់កូរ៉េខាងត្បូង (NIS)។
NIS យល់ថា គ្រាប់ផ្លោងត្រូវបានផ្តល់ឱ្យរុស្ស៊ីក្នុងការដឹកជញ្ជូន១០គ្រឿងផ្សេងគ្នា ដើម្បីគាំទ្រសង្គ្រាមនៅអ៊ុយក្រែន។
លោក Yoo Sang-bum សមាជិកនៃគណបក្សកាន់អំណាច និងនៃគណៈកម្មាធិការស៊ើបការណ៍សម្ងាត់សភា បានប្រាប់អ្នកយកព័ត៌មានកាលពីថ្ងៃពុធថា NIS បានពន្យល់សមាជិកសភាដោយលើកឡើងថា សំបកជាង ១ លានត្រូវបាននាំចេញ ដែលអាចប្រើប្រាស់បានជាងពីរខែនៅក្នុង សង្គ្រាមរវាងរុស្ស៊ីនិងអ៊ុយក្រែន នេះបើតាមការិយាល័យរបស់ Yoo។
លោក Yoo បានឲ្យដឹងថា ប្រទេសកូរ៉េខាងជើងកំពុងដំណើរការរោងចក្រយោធារបស់ខ្លួន ក្នុងសមត្ថភាពអតិបរមា ដើម្បីបំពេញតម្រូវការរបស់រុស្ស៊ីសម្រាប់ការផ្គត់ផ្គង់យោធា ។
NIS ក៏ជឿថា កូរ៉េខាងជើងកំពុងស្ថិតក្នុងដំណាក់កាលចុងក្រោយនៃការរៀបចំសម្រាប់ការបាញ់បង្ហោះផ្កាយរណប ហើយបច្ចុប្បន្នកំពុងធ្វើការត្រួតពិនិត្យលើម៉ាស៊ីន និងឧបករណ៍បាញ់បង្ហោះ។
ប្រភព៖ CNN
ប្រែសម្រួលដោយ៖ ហៃ ឆៃមុីនាង
