ឯកឧត្តម វ៉ា ថន ដឹកនាំកិច្ចប្រជុំបូកសរុបលទ្ធផលការងារប្រចាំខែតុលា និងលើកទិសដៅអនុវត្តបន្ត របស់រដ្ឋបាលខេត្តក្រចេះ
ភ្នំពេញ៖ ឯកឧត្តម វ៉ា ថន អភិបាលខេត្តក្រចេះ នាព្រឹកថ្ងៃព្រហស្បតិ៍ ១២កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែតុលា ឆ្នាំ២០២៣ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំខែតុលា ឆ្នាំ២០២៣ និងលើកទិសដៅអនុវត្តបន្ត របស់រដ្ឋបាលខេត្ត នៅសាលប្រជុំក្រុមប្រឹក្សាខេត្ត។
ក្នុងកិច្ចប្រជុំបានលើកយករបៀបវារៈដូចខាងក្រោម៖
-ពិនិត្យលើការងារបង្ក្រាបបទល្មើសព្រៃឈើ និងការគ្រប់គ្រងធនធានធម្មជាតិ ។
-ការបង្ក្រាបបទល្មើសព្រៃឈើ សត្វព្រៃ ជលផល និងទប់ស្កាត់ការចូលទន្ទ្រានកាន់កាប់ដីព្រៃខុសច្បាប់។
-ផ្សព្វផ្សាយសេចក្តីណែនាំ លិខិតលេខ ០៤៨ សណន ចុះថ្ងៃទី០៣ ខែតុលា ឆ្នាំ២០២៣ របស់ ក្រសួងមហាផ្ទៃ ស្តីពីការពង្រឹងសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។
-ផ្សព្វផ្សាយផែនការណែនាំការប្រឡងប្រណាំងទូកង ខេត្តក្រចេះ នាពេលខាងមុខ និងការត្រៀមលក្ខណៈ ដឹកនាំទូកងខេត្តក្រចេះ ដើម្បីចូលរួមក្នុងពិធីបុណ្យអុំទូកនៅរាជធានីភ្នំពេញនៅថ្ងៃទី២៦-២៨ខែវិច្ឆិកាឆ្នាំ២០២៣។
-ផ្សព្វផ្សាយផែនការណែនាំ លិខិត លេខ ០៦/២០២៣ គជបអ ចុះថ្ងៃទី២០ ខែមិថុនា ឆ្នាំ២០២៣ របស់ គណៈកម្មាធិការជាតិរៀបចំបុណ្យជាតិ-អន្តរជាតិ ស្តីពីការរៀបចំខួបអនុស្សាវរីយ៍លើកទី៧០ នៃទិវាបុណ្យ ឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ ឆ្នាំ២០២៣ ៕
