អនុសាខាកាកបាទក្រហមកម្ពុជា ស្រុកពាមរក៍ បានទទួលទេយ្យទាន និងបច្ច័យពីព្រះចៅអធិការចំនួន ២៣វត្ត នៅក្នុងស្រុកពាមរក៍
ភ្នំពេញ៖ លោកស្រី សេង ទៀង ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកពាមរក៍ និងសហការី នាថ្ងៃទី២០ ខែតុលា ឆ្នាំ២០២៣បានអញ្ជើញទទួលទេយ្យទាន និងបច្ច័យពីព្រះសង្ឃា
នុរក្ខ័លិខិត សាន រស់ ព្រះរាជាគណ:ថ្នាក់កិត្តិយស និងជាព្រះអនុគណសង្ឃស្រុកពាមរក៍ ព្រមទាំងមន្រ្តី
ព្រះសង្ឃ និងព្រះចៅអធិការចំនួន ២៣ វត្ត ដើម្បីត្រៀមបម្រុង ក្នុងកិច្ចការងារមនុស្សធម៌ ជាពិសេស ក្នុងការជួយដល់ជនងាយរងគ្រោះ គ្រួសារក្រីក្រ ចាស់ជរាឥតទីពឹង ជនពិការ និងប្រជាពលរដ្ឋដែលរងគ្រោះដោយសារគ្រោះមហន្ដរាយផ្សេងៗ អោយបានទាន់ពេលវេលា។
នាឱកាសនោះ លោកស្រីប្រធានគណៈកម្មាធិការអនុសាខាស្រុក បានពាំនាំប្រសាសន៍ថ្លែងអំណរគុណពីសំណាក់ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត ពិសេស ឯកឧត្តមអភិសន្តិបណ្ឌិត ស សុខា ប្រធានកិត្តិយសសាខាកាកបាទក្រហមកម្ពុជា ខេត្តព្រៃវែង។ លោកស្រីប្រធាន ប្រគេនពរព្រះមន្ត្រីសង្ឃគ្រប់ព្រះអង្គ សមប្រកបនូវពុទ្ធមង្គលពរ ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លៀត ឡើយ ។
ទេយ្យទានទទួលបានរួមមាន៖ អង្ករ ៨០០ គក មី ៣៦កេស ទឹកសុទ្ធ ២៤កេស ទឹកផ្លែឈើ ៩កេស ទឹកក្រូច ១១កេស ត្រីខ ១១យួរ ទឹកត្រី ២០យួរ ទឹកស៊ីអ៉ីវ ២០យួរ សម្ភារៈផ្ទះបាយ និងសម្ភារៈប្រើប្រាស់ ១០ឈុត និងបច្ទ័យចំនួន ២,៣៤០,០០០រៀល។
