ប្រជាពលរដ្ឋធ្វើដំណើរ តាមស្ពានកោះនរា ដោយក្ដីរីករាយក្នុងពិធីបុណ្យភ្ជុំបិណ្ឌ ឆ្ពោះទៅស្រុកកំណើត និងតាមបណ្ដាខេត្តនានា

ភ្នំពេញ៖ នៅព្រឹកថ្ងៃទី១៣ ខែតុលា ឆ្នាំ២០២៣ បងប្អូនប្រជាពលរដ្ឋធ្វើដំណើរ តាមស្ពានកោះនរា ក្នុងពិធីបុណ្យភ្ជុំបិណ្ឌ ប្រពៃណីជាតិ ដើម្បីឆ្ពោះទៅស្រុកកំណើត និងតាមបណ្ដាខេត្តនានាក្នុងព្រះរាជាណាចក្រកម្ពុជា។

ស្ពានកោះនរាមានប្រវែង ៨២៤ ម៉ែត្រ កម្ពស់ ៧០ ម៉ែត្រ ជាស្ពានបេតុងខ្សែកាប ឆ្លងកាត់ទន្លេបាសាក់ ពីតំបន់កោះពេជ្រ ទៅកាន់តំបន់អភិវឌ្ឍន៍ កោះនរា ចំណាយទុនវិនិយោគ ៣៨លានដុល្លារអាមេរិក និងត្រូវបានសាងសង់ ដោយក្រុមហ៊ុនវិនិយោគទុនអណិកជនកម្ពុជា (OCIC) ក្រោមការគ្រប់គ្រងរបស់រដ្ឋបាលរាជធានីភ្នំពេញ។

សូមបញ្ជាក់ថានេះជាថ្ងៃទីពីរ នៃការដាក់ឲ្យប្រើ ប្រាស់ជាបណ្ដោះអាសន្ន ស្ពានកោះពេជ្យ ឆ្ពោះទៅកោះនរា ដើម្បីឲ្យប្រជាពលរដ្ឋធ្វើដំណើរឆ្លងកាត់។ ស្ពាននេះមានប្រវែង ៨២៤ម៉ែត្រ និងទទឹង ២៤ ,៥០ម៉ែត្រ ហើយមាន៤គន្លង គឺ២គន្លងសម្រាប់រថយន្ត ១គន្លងសម្រាប់ម៉ូតូ និង១គន្លងទៀត សម្រាប់អ្នកថ្មើជើង៕