វៀតណាម÷ប៉ូលីសបានអោយដឹងកាលពីថ្ងៃពុធថា អគ្គីភ័យនៅប្លុកផ្ទះល្វែងក្នុងរដ្ឋធានីហាណូយរបស់ប្រទេសវៀតណាមបានសម្លាប់មនុស្សចំនួន ៥៦ នាក់ក្នុងនោះមានកុមារ និង ៣៧ នាក់រងរបួស។យោងតាមទីភ្នាក់ងារសារព័ត៌មានវៀតណាម (VNA) បានឱ្យដឹងថា អគ្គីភ័យបានឆាបឆេះនៅពេលយប់នៅក្នុងអគារប្រាំបួនជាន់ ដែលជាផ្ទះរបស់អ្នកស្រុកប្រហែល ១៥០ នាក់ នេះបើយោងតាមទីភ្នាក់ងារសារព័ត៌មានវៀតណាម (VNA) ដែលបាននិយាយថា អគ្គិភ័យបានរលត់ទៅវិញនៅម៉ោង ២ ទៀបភ្លឺ (ម៉ោង ៣ រសៀល) ។
រូបភាពទូរទស្សន៍បានបង្ហាញពីអ្នកពន្លត់អគ្គីភ័យដែលបំពាក់ដោយទុយោ និងជណ្ដើរនៅកន្លែងកើតហេតុនៅពេលយប់ ខណៈដែលផ្សែងខ្មៅក្រាស់បានហុយចេញពីអគារនៅពេលថ្ងៃ។ប្រព័ន្ធផ្សព្វផ្សាយរដ្ឋបាននិយាយថា ជនរងគ្រោះជាច្រើននាក់ត្រូវបានបញ្ជូនទៅព្យាបាលនៅមន្ទីរពេទ្យក្នុងស្រុកដោយមានរបួសជាច្រើន បន្ទាប់ពីបានលោតចេញពីបង្អួចរបស់ពួកគេដើម្បីគេចពីភ្លើង។ប្រព័ន្ធផ្សព្វផ្សាយរដ្ឋបាននិយាយដោយដកស្រង់សម្តីលោក Vu Hoang Phuong នៃមន្ទីរពេទ្យសាកលវិទ្យាល័យវេជ្ជសាស្ត្រហាណូយ។
ក្រសួងសន្តិសុខសាធារណៈបានថ្លែងនៅក្នុងសេចក្តីថ្លែងការណ៍មួយថា ប៉ូលីសបានឃាត់ខ្លួនម្ចាស់អគារឈ្មោះ Nghiem Quang Minh ដោយចោទប្រកាន់គាត់ពីបទរំលោភលើបទប្បញ្ញត្តិបង្ការអគ្គីភ័យ ដោយបន្ថែមថាការស៊ើបអង្កេតលើករណីនេះកំពុងដំណើរការ។យោងតាមសេចក្តីថ្លែងការណ៍របស់រដ្ឋាភិបាលបានឱ្យដឹងថា នាយករដ្ឋមន្ត្រី Pham Minh Chinh បានទៅពិនិត្យទីតាំងនៃអគ្គិភ័យកាលពីថ្ងៃពុធ ហើយបានអំពាវនាវឱ្យបញ្ចប់បទប្បញ្ញត្តិប្រឆាំងភ្លើងនៅអគារផ្ទះល្វែងតូចៗ និងនៅតាមតំបន់លំនៅដ្ឋានដែលមានមនុស្សរស់នៅច្រើន។
