បិទផ្សាយជាសាធារណៈនូវឯកសារនៃការវិនិច្ឆ័យ លើការចុះបញ្ជីធ្លីមានលក្ខណៈជាប្រព័ន្ធ នៅភូមិទ័ពសៀម និងភូមិស្លក្រាម ឃុំស្លក្រាម ស្រុកស្វាយចេក

បន្ទាយមានជ័យ៖ នៅព្រឹកថ្ងៃទី១៣ ខែកញ្ញា ឆ្នាំ ២០២៣ លោក ប្រាក់ ប៉ូលី អភិបាលរងខេត្ត តំណាងឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានអញ្ជើញជាអធិបតីភាព បិទផ្សាយជាសាធារណៈនូវឯកសារ នៃការវិនិច្ឆ័យ លើការចុះបញ្ជីធ្លីមានលក្ខណៈជាប្រព័ន្ធ នៅភូមិទ័ពសៀម និងភូមិស្លក្រាម ប្រារព្ធ ធ្វើ ឡើង នៅវត្ត សុវណ្ណារាមភូមិទ័ពសៀម ឃុំស្លក្រាម ស្រុកស្វាយចេក ខេត្តបន្ទាយមានជ័យ ។

ពិធីនេះក៏មានការចូលរួមពីលោក អាង ណារិទ្ធ ប្រធានមន្ទីររៀបចំដែនដី នគរូបនិយកម្ម សំណង់ និងសុរិយា ដីខេត្ត លោក ប៊ុន ស៊ីវ អភិបាលរងស្រុកស្វាយ ចេក អ្នកពាក់ព័ន្ធ អាជ្ញាធរ មូលដ្ឋាន ប្រជាពលរដ្ឋបានចូលរួមផងដែរ។

លោក អាង ណារិទ្ធ ប្រធានមន្ទីររៀបចំដែនដី នគរូបនិយកម្ម សំណង់ និងសុរិយា ដី បានបញ្ជាក់ថា ការចុះបញ្ជី មាន២ប្រភេទ   ១-ចុះបញ្ជី ដាច់ដោយដុំ ដោយម្ចាស់ក្បាលដី ត្រូវធ្វើសុំស្នើពីមន្ទីរ ដើម្បីធ្វើការវាស់ ធ្វើប្លង់កម្មសិទ្ធ, ២-ចុះបញ្ជី លក្ខណៈ ជាប្រព័ន្ធ ។

លោកបន្តថា មុនឈានដល់ការចេញប្លង់កម្មសិទ្ធស្រប់បាន ត្រូវឆ្លងកាត់៥ចំនួន៥ដំណាក់កាល។  ក្នុងអាណត្តិថ្មី ក្រោមការដឹកនាំដោយ ឯកឧត្តម សាយ សំអាល់ រដ្ឋមន្ត្រី ក្រសួង រៀបចំដែនដី នគរូបនិយកម្ម សំណង់ និងសុរិយោដី ដាក់ចេញផែន ធ្វើយ៉ាងការចុះបញ្ជីដីធ្លី ឱ្យបានចប់ត្រឹមឆ្នាំ២០២៧ ។

លោក ប្រាក់ ប៉ូលី អភិបាលរងខេត្ត បានលើកឡើងថា កន្លងមក ខេត្តបន្ទាយមានជ័យ ជាខេត្តមួយដែលមានបញ្ហាវិវាទដីធ្លីជាច្រើនកើតមានឡើង បញ្ហាវិវាទទាំងនេះ កើតឡើងដោយសារតែដីធ្លីទាំងអស់នេះ មិនទាន់បានចុះបញ្ជី (មិនមានប័ណ្ណកម្មសិទ្ធិ) នៅឡើយ ។ ដោយឡែកបច្ចុប្បន្នបញ្ហាវិវាទដីធ្លី គឺមានការថយចុះជាច្រើន ពោលគឺដោយសារតែមានការចុះបញ្ជីដីធ្លីជូនបងប្អូនប្រជាពលរដ្ឋ ជាពិសេសការចុះបញ្ជីដីធ្លីមានលក្ខណៈជាប្រព័ន្ធរបស់កម្មវិធីអនុវិស័យរដ្ឋបាលដីធ្លី ដូច្នេះការចុះបញ្ជីដីធ្លី គឺពិតជាមានសារៈសំខាន់ណាស់ដែលអាចកាត់បន្ថយនូវបញ្ហាទំនាស់ អាចធានាបាននូវសុវត្ថិភាពពីការ ក្លែងបន្លំ ពីសំណាក់ជនខិលខូចមួយចំនួន មិនតែប៉ុណ្ណោះ ក្រោយពីធ្វើការចុះបញ្ជីធ្វើប័ណ្ណកម្មសិទ្ឋិនេះហើយ ម្ចាស់កម្មសិទ្ឋិអាចយកទៅប្រើប្រាស់ ឬដាក់បញ្ចាំនៅតាមធនាគារ និងតាមគ្រឹះស្ថានមីក្រូហិរញ្ញវត្ថុនានា បានតាមសេចក្តី ត្រូវការ។

លោក ប្រា ក់ ប៉ូលី ក៏បានបញ្ជាក់ថា ក្នុងពេលបិទផ្សាយរយៈពេល១៥ថ្ងៃ (ចាប់ថ្ងៃទី១៣ ដល់ ២៧ ខែកញ្ញា ឆ្នាំ ២០២៣) សូមបងប្អូនពលរដ្ឋមកពិនិត្យ ផ្ទៀងផ្ទាត់ ន្និន័យក្បាលដី ឈ្មោះ ម្ចាស់ដី បើមានការខុសឈ្មោះ ត្រូវដាក់ពាក្យកែតម្រូវ ជាមួយមន្ត្រីសុរិយោដី ដើម្បីធ្វើការកែតម្រូវជូន។

សូមបញ្ជាក់ថា ការបិទផ្សាយទិន្នន័យក្បាលដីនៅភូមិទ័ពសៀម និងភូមិស្លក្រាម ឃុំស្លក្រាម ស្រុកស្វាយចេក មានសរុបចំនួន ៤,០៣៥ក្បាលដី ក្នុងនោះភូមិស្លក្រាមចំនួន១៣០៤ក្បាលដី និងភូមិទ័ពសៀម ចំនួន២៧៣១ក្បាលដី៕