បរទេស៖ មេដឹកនាំកូរ៉េខាងជើង លោក គីម ជុងអ៊ុន បានឆ្លងព្រំដែនចូលក្នុងប្រទេសរុស្ស៊ី ដើម្បីជួបពិភាក្សាជាមួយប្រធានាធិបតី វ្ល៉ាឌីមៀ ពូទីន។
មន្ត្រីអាមេរិកម្នាក់បានឲ្យដឹងថា ពួកគេទំនងជាពិភាក្សាអំពីកិច្ចព្រមព្រៀងសព្វាវុធ នៅពេលដែលរុស្ស៊ីប្រឈមមុខនឹងការវាយលុករបស់អ៊ុយក្រែន។
ក្រសួងការពារជាតិកូរ៉េខាងត្បូងបានបញ្ជាក់ថា រថភ្លើងពាសដែករបស់លោក គីម ជុងអ៊ុន បានចូលប្រទេសរុស្ស៊ីកាលពីព្រឹកថ្ងៃអង្គារ។
ឥឡូវនេះវាកំពុងឆ្ពោះទៅកាន់ទីក្រុង Vladivostok ជាកន្លែងដែលរុស្ស៊ីធ្វើជាម្ចាស់ផ្ទះនៃវេទិកាសេដ្ឋកិច្ចបូព៌ា។
ការធ្វើដំណើរនោះត្រូវបានគេរំពឹងថានឹងចំណាយពេលពី ៥ ទៅ ៦ ម៉ោងទៀត។
ជំនួបរវាងមេដឹកនាំទាំងពីរអាចប្រព្រឹត្តទៅនៅព្រឹកថ្ងៃអង្គារ ម៉ោងក្នុងស្រុក បើទោះជាសេចក្តីថ្លែងការណ៍ពីវិមានក្រឹមឡាំងបាននិយាយថាវានឹងកើតឡើងនៅក្នុងប៉ុន្មានថ្ងៃខាងមុខនេះ។
KCNA បានរាយការណ៍ថា លោក គីម ជុងអ៊ុន ត្រូវបានអមដោយមន្ត្រីរដ្ឋាភិបាលជាន់ខ្ពស់ រួមទាំងបុគ្គលិកយោធាផងដែរ។
រូបថតដែលចែករំលែកដោយប្រព័ន្ធផ្សព្វផ្សាយរដ្ឋ បានបង្ហាញឱ្យឃើញលោក គីម ជុងអ៊ុន គ្រវីពីរថភ្លើងពាសដែក មុនពេលចាកចេញពីទីក្រុងព្យុងយ៉ាង។
កម្រិតខ្ពស់លើរបៀបវារៈនៃកិច្ចប្រជុំគឺលទ្ធភាពដែលកូរ៉េខាងជើងផ្តល់ឱ្យក្រុងម៉ូស្គូនូវសព្វាវុធដើម្បីគាំទ្រសង្គ្រាមរបស់ខ្លួនក្នុងប្រទេសអ៊ុយក្រែន មន្ត្រីសហរដ្ឋអាមេរិកបានប្រាប់ CBS ដែលជាដៃគូរបស់ BBC នៅសហរដ្ឋអាមេរិក។
ដំណើរទស្សនកិច្ចចុងក្រោយរបស់លោក គីម ជុងអ៊ុនគឺទៅកាន់ទីក្រុង Vladivostok ក្នុងឆ្នាំ២០១៩ សម្រាប់កិច្ចប្រជុំកំពូលជាមួយលោក វ្ល៉ាឌីមៀ ពូទីន បន្ទាប់ពីការដួលរលំនៃកិច្ចចរចារំសាយអាវុធនុយក្លេអ៊ែររបស់កូរ៉េខាងជើងជាមួយប្រធានាធិបតីអាមេរិកលោក Donald Trump នៅពេលនោះ។
រថភ្លើងរបស់គាត់មានពាក្យចចាមអារ៉ាមថាមានរថយន្តការពារគ្រាប់កាំភ្លើងយ៉ាងហោចណាស់ ២០ គ្រឿង ដែលធ្វើឱ្យវាធ្ងន់ជាងរថភ្លើងមធ្យម។
វាមានទម្ងន់ផងដែរមានន័យថារថភ្លើងមានល្បឿនយឺតខ្លាំងណាស់ ដោយវាអាចធ្វើដំណើរបានតែក្នុងល្បឿនប្រហែល ៥៩ គីឡូម៉ែត្រក្នុងមួយម៉ោង (៣៧mph)។
សេតវិមានបានឲ្យដឹងថា ខ្លួនមានព័ត៌មានថ្មីដែលថា ការចរចាអាវុធរវាងរុស្សី និងកូរ៉េខាងជើងកំពុងរីកចម្រើនយ៉ាងសកម្ម។
អ្នកនាំពាក្យក្រុមប្រឹក្សាសន្តិសុខជាតិ លោក John Kirby បានឲ្យដឹងនៅមុននេះបន្តិចថា រដ្ឋមន្ត្រីការពារជាតិរុស្ស៊ី លោក Sergei Shoigu បានព្យាយាមបញ្ចុះបញ្ចូលទីក្រុងព្យុងយ៉ាងឱ្យលក់គ្រាប់កាំភ្លើងធំ ទៅឱ្យប្រទេសរុស្ស៊ី ក្នុងអំឡុងដំណើរទស្សនកិច្ចនាពេលថ្មីៗនេះ ទៅកាន់ប្រទេសកូរ៉េខាងជើង។
Ankit Panda មកពី Carnegie Endowment for International Peace បានឲ្យដឹងថា រុស្ស៊ី និងកូរ៉េខាងជើង ម្នាក់ៗមានរបស់ដែលប្រទេសផ្សេងទៀតចង់បាន។
គាត់បានប្រាប់ BBC ថា អ្វីដែលនឹងមានបញ្ហានៅពេលនេះ គឺប្រសិនបើភាគីទាំងពីរអាចស្វែងរកតម្លៃសមរម្យ ពួកគេសុខចិត្តចំណាយសម្រាប់ជំនួយរបស់ភាគីម្ខាងទៀត។
លោកបានបន្តថា រុស្ស៊ីទំនងជានឹងស្នើសុំឱ្យកូរ៉េខាងជើងសម្រាប់អាវុធសាមញ្ញ រួមទាំងកាំភ្លើងធំ និងគ្រាប់រ៉ុក្កែត ដើម្បីជាថ្នូរនឹងអាហារ និងវត្ថុធាតុដើម ហើយបន្តគាំទ្រនៅវេទិកាអន្តរជាតិដូចជាអង្គការសហប្រជាជាតិ។
លោកបានបន្ថែមថា នេះអាចបើកលទ្ធភាពឱ្យកូរ៉េខាងជើងផ្ទេរសព្វាវុធទំនើបជាងនេះទៅឱ្យរុស្ស៊ី ដើម្បីអនុញ្ញាតឱ្យទីក្រុងម៉ូស្គូរក្សា និងបំពេញស្តុកអាវុធធម្មតារបស់ខ្លួនឡើងវិញ។
វាត្រូវបានគេគិតថារុស្ស៊ីប្រហែលជាត្រូវការគ្រាប់ផ្លោងទំហំ ១២២mm និង ១៥២mm ដោយសារតែស្តុករបស់វាមានកម្រិតទាប ប៉ុន្តែវាមិនងាយស្រួលទេក្នុងការកំណត់បញ្ជីសារពើភ័ណ្ឌកាំភ្លើងធំពេញលេញរបស់កូរ៉េខាងជើង ដោយសារធម្មជាតិសម្ងាត់របស់វា។
អាវុធដែលដាក់តាំងនៅក្នុងកិច្ចប្រជុំរវាងលោក គីម ជុងអ៊ុន និងលោក Sergei Shoigu កាលពីខែកក្កដា រួមមានមីស៊ីលផ្លោងអន្តរទ្វីប Hwasong ដែលគេជឿថាជា ICBM ដំបូងរបស់ប្រទេសដែលប្រើកម្លាំងជំរុញ។
នេះជាលើកទីមួយហើយ ដែលលោក គីម ជុងអ៊ុន បើកទ្វារប្រទេសទទួលភ្ញៀវបរទេស ចាប់តាំងពីជំងឺរាតត្បាត Covid។
ប្រភព៖ BBC
ប្រែសម្រួលដោយ៖ {ឡាយ លីហួ}
