នាយករដ្ឋមន្ត្រី ណែនាំឲ្យរដ្ឋមន្ត្រីវប្បធម៌ បង្កើនអ្នកប្រវត្តិសាស្ត្រ និងសរសេរសៀវភៅប្រវត្តិសាស្ត្រខ្មែរ ដោយជនជាតិខ្មែរ

ភ្នំពេញ៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីកម្ពុជា បានណែនាំដល់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ឱ្យបង្កើនអ្នកស្រាវជ្រាវប្រវត្តិសាស្ត្រ ហើយសរសេរសៀវភៅប្រវត្តិសាស្ត្រខ្មែរដោយជនជាតិខ្មែរ។

ក្នុងឱកាសអញ្ជើញជួបកម្មករជិត ២ម៉ឺននាក់ នៅតំបន់ព្រៃស្ពឺ នាថ្ងៃទី២៩ សីហា ឯកឧត្តមបណ្ឌិត ហ៊ុន ម៉ាណែត ឯកឧត្តមបណ្ឌិត ហ៊ុន ម៉ាណែត បានបញ្ជាក់ថា «ខ្ញុំបានជជែកជាមួយលោកជំទាវ ភឿង​ សកុណា បន្តិចទៀត ត្រូវបង្កើនអ្នកប្រវត្តិសាស្ត្រ ព្រោះបើយើងមិនសរសេរប្រវត្តិសាស្ត្រ អ្នកផ្សេងគេ សរសេរប្រវត្តិសាស្ត្រ ប្រយ័ត្ន ១០០ឆ្នាំទៀត។ គេថា អ្នកឈ្នះសរសេរប្រវត្តិសាស្ត្រ ប្រទេសមួយចំនួនសរសេរប្រវត្តិសាស្ត្រអត់ច្បាស់។ ឧទាហរណ៍យើងពីដើម អញ្ចឹងប្រទេសណាដែលសរសេរ គឺគាត់សរសេរនៅពេលគ្រប់គ្រងគេហ្នឹងឯង។ ទីបំផុតទៅ គេគិតថា អតីតកាលគឺកន្លែងហ្នឹង។ ហើយប្រវត្តិសាស្ត្រយើង បើពេលខ្ញុំនៅរៀននៅបរទេស ចង់ដឹងប្រវត្តិសាស្ត្រខ្មែរ ដល់ពេលរកទៅឃើញសរសេរដោយបារាំង ដោយគេ។ ឥលូវ សរសេរដោយគេ ខ្មែរយើងអត់សូវមានទេ។ អញ្ចឹងខ្ញុំលើកទឹកចិត្តជំរុញរឿងហ្នឹង តើវាស្របជាមួយនឹងរឿង Research រក្សាអ្វីដែលជារបស់យើង ។ ស្រាវជ្រាវបន្ថែម» ៕