ភ្នំពេញ៖ នារីម្នាក់បានបើករថយន្ត Prius មួយគ្រឿងបោះពួយក្នុងល្បឿនលឿន ខណះដល់ផ្លូវកោង ទំនងជាងងុយដេក មិនបានបន្ថយល្បឿន ក៏ជ្រុលទៅបុកបង្គោលភ្លើងបំភ្លឺផ្លូវ ពេញទំហឹង បណ្ដាលឲ្យរលើងដល់គល់ បាក់ត្រេត រីឯរថយន្តផ្ទុះពោងសុវត្ថិភាព រងការខូចខាតផ្នែកខាងមុខស្ទើរតែទាំងស្រុង សំណាងល្អអ្នកបើកបរររងរបួសស្រាល ។
ហេតុការណ៍នេះបានកើតឡើង នៅវេលាម៉ោង ១០និង៣០នាទីយប់ថ្ងៃទី ២៣ខែសីហា ឆ្នាំ២០២៣ នៅតាមបណ្ដោយផ្លូវ ព្រៃស ក្នុងសង្កាត់ ព្រៃស ខណ្ឌដង្កោ រាជធានីភ្នំពេញ ។
បើតាមប្រភពព័ត៍មាន បានឲ្យដឹងថា នៅមុនពេលកើតហេតុ គេបានឃើញ នារីម្នាក់បើករថយន្តមួយគ្រឿង ម៉ាក តូយ៉តា ព្រុស ពណ៍ខ្មៅ ពាក់ស្លាកលេខ ភ្នំពេញ 2Q-8680 បោះពួយក្នុងល្បឿនលឿន ទិសដៅពីកើតទៅលិច លុះមកដល់ចំណុចកើតហេតុខាងលើ ទំនងជាងងុយដេក មិនបានបន្ថយល្បឿន ក៏ជ្រុលទៅបុកបង្គោលភ្លើងបំភ្លឺផ្លូវ ពេញទំហឹង បណ្ដាលឲ្យរលើងដល់គល់ បាក់ត្រេត ចំណែកឯរថយន្តផ្ទុះពោងសុវត្ថិភាព រងការខូចខាតផ្នែកខាងមុខស្ទើរតែទាំងស្រុង សំណាងល្អអ្នកបើកបរគ្រាន់តែរងរបួសស្រាលតែប៉ុណ្ណោះ ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ក៏បានទាក់ទងទៅខាងជំនាញចរាចរណ៍រាជធានីភ្នំពេញ ឲ្យចុះមកវាស់វែង និងស្ទូចយករថយន្តទៅរក្សាទុកបណ្ដោះអាសន្ន រង់ចាំដោះស្រាយគ្នា តាមនិតិវិធីច្បាប់ ៕
