បាងកក៖ មន្ត្រីជាន់ខ្ពស់មួយរូបបានប្រាប់ AFP ថា ការផ្ទុះមួយបានឆាបឆេះឃ្លាំងកាំជ្រួចនៅក្នុងប្រទេសថៃកាលពីថ្ងៃសៅរ៍ ដោយបានសម្លាប់មនុស្ស ៩ នាក់ និងជាង ១០០ នាក់ទៀតរងរបួស។
ការផ្ទុះនៅទីក្រុង Sungai Kolok ក្នុងខេត្ត Narathiwat ភាគខាងត្បូង ត្រូវបានគេគិតថា បណ្តាលមកពីការផ្សារដែកកំឡុងពេលការងារសាងសង់លើអគារ។
អភិបាលខេត្ត Narathiwat លោក Sanan Pongaksorn បានប្រាប់ AFP ថា ឃ្លាំងស្តុកកាំជ្រួចនៅ Sungai Kolok បានផ្ទុះនៅរសៀលនេះ ហើយចំនួនចុងក្រោយបំផុតគឺ ៩ នាក់បានស្លាប់ និង ១១៥ នាក់ទៀតរងរបួស។
ពេលនេះអគ្គិភ័យកំពុងស្ថិតក្រោមការគ្រប់គ្រងហើយ។ ការស៊ើបអង្កេតបឋមបង្ហាញថា មូលហេតុគឺជាកំហុសបច្ចេកទេសកំឡុងពេលដំណើរការផ្សារដែក ដោយសារអាគារកំពុងសាងសង់។
វីដេអូនៅលើប្រព័ន្ធផ្សព្វផ្សាយក្នុងស្រុកបានបង្ហាញពីផ្សែងហុយយ៉ាងសន្ធោសន្ធៅហក់ឡើងលើអាកាស ហើយហាងលក់ទំនិញ ផ្ទះ និងយានយន្តជាច្រើនបានរងការខូចខាតយ៉ាងធ្ងន់ធ្ងរដោយសារកម្លាំងនៃការបំផ្ទុះនេះ ខ្លះឆាបឆេះ និងខ្លះទៀតបានរលត់ដំបូលផ្ទះ។
ទូរទស្សន៍ Thai PBS បានរាយការណ៍ថាផ្ទះរហូតដល់ ៥០០ ខ្នងបានរងការខូចខាតដោយការផ្ទុះនៅក្នុងទីក្រុងព្រំដែនជាប់ព្រំដែនជាមួយប្រទេសម៉ាឡេស៊ី។
វីដេអូដែលថតដោយលោក សេក សាន បានបង្ហាញនូវទិដ្ឋភាពនៃភាពចលាចលនៅផ្សារក្នុងស្រុកមួយ ដោយមានអ្នកស្រុកវង្វេងផ្លូវ ហើយមានសេវាសង្គ្រោះបន្ទាន់ប្រញាប់ទៅជួយ។
ប្រទេសថៃមានកំណត់ត្រាសុវត្ថិភាពមិនល្អក្នុងវិស័យសំណង់ ហើយគ្រោះថ្នាក់ដែលបណ្ដាលឲ្យមនុស្សស្លាប់គឺជារឿងធម្មតា។
កាលពីខែមុន មនុស្សពីរនាក់បានស្លាប់នៅពេលស្ពានផ្លូវមួយដែលកំពុងសាងសង់ក្នុងទីក្រុងបាងកកបានបាក់ធ្វើចរាចរណ៍។
ប្រភព៖ NDTV
ប្រែសម្រួលដោយ៖ {ឡាយ លីហួ}
