ឯកឧត្ដម ដួង តារា សម្រេចយកPage «Samdech Hun Sen, Cambodian Prime Minister» មកប្រើឡើងវិញ ទុកបន្តប្រើជាប្រយោជន៍សង្គមជាតិ ទោះបីសម្តេចប្រើឬមិនប្រើក៏ដោយ
ភ្នំពេញ៖ ឯកឧត្ដម ដួង តារា ជំនួយការផ្ទាល់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជារដ្ឋលេខាធិការទីស្ដីការគណៈរដ្ឋមន្ត្រី បានសម្រេចយក Page «Samdech Hun Sen, Cambodian Prime Minister» មកប្រើឡើងវិញ ទុកបន្តប្រើជាប្រយោជន៍សង្គមជាតិ ទោះបីសម្តេចប្រើឬមិនប្រើក៏ដោយ ។
ខាងក្រោមនេះជាសំណេរទាំងស្រុងដែល ឯកឧត្ដម ដួង តារា សរសេររៀបរាប់លើកបណ្ដាញសង្គមហ្វេសប៊ុកសម្ដេងតេជោ ហ៊ុន សែន៖
កាលពីថ្ងៃទី ២៨ ខែ មិថុនា ឆ្នាំ ២០១០ (មុនខ្ញុំចូលបម្រើការងារជូន សម្តេចតេជោនាយករដ្ឋមន្រ្តី) ខ្ញុំបានបង្កើត Page “ Samdech Hun Sen, Cambodian Prime Minister នេះដើម្បីទុកប្រគល់ជូន សម្តេច សម្រាប់ប្រើប្រាស់ក្នុងការទំនាក់ទំនងជាមួយប្រជាពលរដ្ឋខ្មែរទាំងក្នុងនិងក្រៅប្រទេស ជាពិសេសដើម្បីបានដឹងអំពីសុខទុក្ខពលរដ្ឋដោយផ្ទាល់តាមរយៈសំណូមពរ និងមតិយោបល់តាមរយៈផេកនេះ។
ដោយសារខ្ញុំបានឃើញអំពីសារៈសំខាន់នៃបណ្តាញទំនាក់ទំនងសង្គម Facebook នេះ ទើបខ្ញុំសម្រេចបង្កើតPage នេះឡើងទុកជូន សម្តេច យកទៅប្រើជាប្រយោជន៍ប្រទេសជាតិ។
ខ្ញុំមិនចង់បាត់បង់ផេកដ៏សំខាន់ ដែលខ្ញុំបានប្រើពេល ១៣ឆ្នាំកន្លងមកនេះឡើយ។
ខ្ញុំបានសម្រេចចិត្តយកមកប្រើឡើងវិញ និងសូមស្នើសុំរក្សាផេកនេះទុកបន្តប្រើជាប្រយោជន៍សង្គមជាតិ ទោះបីសម្តេចតេជោមិនប្រើក៏ដោយ។ សូមសាធារណៈជនមេត្តាជ្រាបជាដំណឹង។ ដោយក្តីគោរពស្រឡាញ់ដ៏ខ្ពង់ខ្ពស់បំផុតអំពីខ្ញុំ ដួង តារា ៕
