ឯកឧត្តមបណ្ឌិត ជ្រុន ថេរ៉ាវ៉ាត បន្តយុទ្ធនាការឃោសនារកសម្លេងបោះឆ្នោតពីបងប្អូនអាជីវករលក់ដូរក្នុងផ្សារព្រៃទទឹង ស្រុកព្រៃឈរ
ភ្នំពេញ៖ ឯកឧត្តមបណ្ឌិត ជ្រុន ថេរ៉ាវ៉ាត សមាជិកគណ:កម្មាធិការកណ្តាលគណបក្សប្រជាជនកម្ពុជា អនុប្រធានគណៈឃោសនាអប់រំ អនុប្រធានយុវជនគណបក្សថ្នាក់កណ្តាល និងជាប្រធានក្រុមការងារជនបង្គោលយុវជនស្រុកព្រៃឈរ និងលោក កយ ចន្ធី អនុប្រធានក្រុមការងារយុវជនគណបក្សស្រុក នាព្រឹកថ្ងៃពុធ ២កេីត ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៩ខែកក្កដា ឆ្នាំ២០២៣ បានបន្តយុទ្ធនាការឃោសនារកសម្លេងបោះឆ្នោតពីបងប្អូនអាជីវករលក់ដូរក្នុងផ្សារព្រៃទទឹងស្រុកព្រៃឈរ ខេត្តកំពង់ចាម សម្រាប់ការបោះឆ្នោតជ្រើសរេីសតាំងតំណាងរាស្ត្រនីតិកាលទី៧ ឆ្នាំ២០២៣។
ក្នុងឱកាសនោះដែរ ឯកឧត្តមបណ្ឌិត ជ្រុន ថេរ៉ាវ៉ាត ក៏បានជំរុញទៅដល់ បងប្អូនអាជីវករ និិងប្រជាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោត សូមអញ្ជើញទៅបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ ពិសេសបោះឆ្នោតគណបក្សប្រជាជនកម្ពុជា ដែលមានរូបសញ្ញា «ទេវតាបាចផ្កា» ជាសម្គាល់ និងមានលេខរៀងទី១៨ នៅលើសន្លឹកឆ្នោត ឱ្យបានគ្រប់ៗគ្នា ដើម្បីបន្តគាំទ្រសម្ដេចតេជោ ហ៊ុន សែន ជានាយករដ្ឋមន្រ្តី សម្រាប់អាណត្តិទី៧ និងអាណត្តិបន្តបន្ទាប់ទៀត និងគាំទ្រ ឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្រ្តី សម្រាប់ពេលអនាគត ៕
