វៀតណាមប្រឈមមុខនឹងបញ្ហាក្នុងការឈានដល់ក្នុងការសម្រេចបាននូវគោលដៅកំណើនសេដ្ឋកិច្ច នៅឆ្នាំនេះ
វៀតណាម៖ រដ្ឋមន្ត្រីក្រសួងផែនការ និងវិនិយោគវៀតណាម លោក Nguyen Chi Dung បានឲ្យដឹងកាលពីថ្ងៃអង្គារថា ប្រទេសវៀតណាមកំពុងប្រឈមមុខនឹងឧបសគ្គយ៉ាងតឹងរ៉ឹងក្នុងការសម្រេចបាននូវគោលដៅកំណើនពី ៦-៦.៥% នៅឆ្នាំនេះ ដោយសារតែមូលដ្ឋានទាបនៅក្នុងឆមាសទីមួយ។
លោក Nguyen Chi Dung បានឲ្យដឹងនៅក្នុងកិច្ចប្រជុំរដ្ឋាភិបាលថា ដើម្បីឈានដល់កំណើន GDP ៦% សម្រាប់ពេញមួយឆ្នាំ សេដ្ឋកិច្ចត្រូវការពង្រីក ៨% នៅឆមាសទីពីរ។
លោកបានបន្ថែមថា ដើម្បីសម្រេចបាននូវអត្រាកំណើន ៦.៥% ការពង្រីក ៨.៩% ក្នុងរយៈពេលប្រាំមួយខែចុងក្រោយគឺត្រូវការជាចាំបាច់។
លោក Nguyen Chi Dung បានស្នើថា ស្ថាប័នរដ្ឋាភិបាល និងមូលដ្ឋាន ស្រាយចំណងដែលអាជីវកម្មកំពុងប្រឈម ដើម្បីជួយជំរុញការផលិត ការប្រើប្រាស់ និងការនាំចេញ។
លោកបានបន្ថែមថា អាជ្ញាធរចាំបាច់ត្រូវដោះស្រាយបញ្ហានៅក្នុងទីផ្សារអចលនទ្រព្យ ភាគហ៊ុន និងមូលបត្របំណុល ដើម្បីធ្វើឱ្យពួកគេក្លាយជាបណ្តាញដែលអាចទុកចិត្តបានសម្រាប់ការប្រមូលមូលធន។
លោកបានបន្តថា របបការិយាធិបតេយ្យត្រូវតែកាត់បន្ថយ ហើយបរិយាកាសអាជីវកម្មត្រូវបានកែលម្អ។
អង្គការអន្តរជាតិជាច្រើនបានបន្ទាបការព្យាករណ៍កំណើនរបស់ពួកគេសម្រាប់វៀតណាមនៅឆ្នាំនេះ។ មូលនិធិរូបិយវត្ថុអន្តរជាតិបានបន្ទាបការព្យាករណ៍របស់ខ្លួនពី ៥.៨% ទៅ ៤.៧% នៅក្នុងរបាយការណ៍កាលពីខែមុន។
យ៉ាងណាមិញ សេដ្ឋកិច្ចហាក់ដូចជាស្ទុះងើបឡើងវិញនៅត្រីមាសទីពីរនេះបើយោងតាមក្រសួងផែនការ។
សន្ទស្សន៍តម្លៃទំនិញប្រើប្រាស់ជាមធ្យមក្នុងរយៈពេលប្រាំមួយខែដំបូងគឺខ្ពស់ជាង ៣.៣៩% ពីមួយឆ្នាំទៅមួយឆ្នាំ ហើយប្រទេសនេះបានគ្រប់គ្រងអតិរេកពាណិជ្ជកម្មចំនួន ១២.២ ពាន់លានដុល្លារ។
ការវិនិយោគបានកើនឡើង ៤.៧% ពីមួយឆ្នាំទៅមួយឆ្នាំ ដល់ ១.៣៥ quadrillion (៥៧ ពាន់លានដុល្លារ) ហើយការបញ្ចេញទុនវិនិយោគសាធារណៈឈានដល់ ៦៥ trillion VND ជិត ៣០.៥% នៃគោលដៅ។
សេវាកម្មដែលជាសសរស្តម្ភសំខាន់មួយក្នុងចំណោមសសរស្តម្ភទាំងបីនៃសេដ្ឋកិច្ចបានកើនឡើង ៦.៣% ពីមួយឆ្នាំទៅមួយឆ្នាំ ហើយបានរួមចំណែកដល់កំណើន GDP ៨០% ។
ទោះជាយ៉ាងនេះក្តី នាយករដ្ឋមន្ត្រីវៀតណាម លោក Pham Minh Chinh បានឲ្យដឹងថា ប្រទេសជាតិជួបប្រទះនឹងឧបសគ្គជាច្រើន។
កំណើនក្នុងរយៈពេលប្រាំមួយខែដំបូងគឺ ៣.៧២% ធៀបនឹងគោលដៅ ៦.២%។ រោងចក្រជាច្រើនប្រឈមមុខនឹងបញ្ហា ហើយកម្មករជាច្រើនបានបាត់បង់ការងារ។
ប្រហែល ២% នៃកម្មករនិយោជិតបានអត់ការងារធ្វើនៅក្នុងត្រីមាសទីពីរ ដែលភាគច្រើននៅទីក្រុងហាណូយ ហូជីមិញ Bac Giang និង Dong Nai។
ក្រសួងផែនការបានឲ្យដឹងថាក្រុមហ៊ុនជាច្រើនដែលត្រូវបានចុះខ្សោយដោយសារជំងឺរាតត្បាតឥឡូវនេះបានឈានដល់ការក្ស័យធន។
ប្រភព៖ Vnex Press
ប្រែសម្រួលដោយ៖ [ឡាយ លីហួ]
