ប៉េកាំង៖ ភាគហ៊ុនបិទទ្វារដែលមានតម្លៃប្រហែល ១២៥.១៣ ពាន់លានយន់ (ប្រហែល ១៧.៣២ ពាន់លានដុល្លារអាមេរិក) នឹងក្លាយជាមានសិទ្ធិធ្វើពាណិជ្ជកម្មនៅលើទីផ្សារភាគហ៊ុនរបស់ប្រទេសចិននៅសប្តាហ៍ក្រោយ។
ចាប់ពីថ្ងៃទី៣ ខែកក្កដាដល់ថ្ងៃទី៧ ខែកក្កដា ភាគហ៊ុនប្រហែល ២៤.៣៧ ពាន់លាននឹងអាចជួញដូរបាននៅលើផ្សារហ៊ុន Shanghai និង Shenzhen នេះបើយោងតាមទិន្នន័យពីអ្នកផ្តល់ព័ត៌មានហិរញ្ញវត្ថុ Wind។
នៅក្រោមច្បាប់ទីផ្សារភាគហ៊ុនរបស់ប្រទេសចិន ម្ចាស់ភាគហ៊ុនធំៗត្រូវតែរង់ចាំរយៈពេល ១ ទៅ ២ ឆ្នាំ មុនពេលពួកគេត្រូវបានអនុញ្ញាតឱ្យលក់ភាគហ៊ុនរបស់ពួកគេ។
តម្លៃទីផ្សារសរុបនៃភាគហ៊ុនទាំងនេះត្រូវបានគណនាជាមួយនឹងតម្លៃបិទរបស់ពួកគេនៅថ្ងៃទី៣០ ខែមិថុនា ដែលជាថ្ងៃជួញដូរមុន។
ភាគហ៊ុនរបស់ចិនបានបិទទ្វារខ្ពស់ជាងកាលពីថ្ងៃសុក្រ ដោយសន្ទស្សន៍ Shanghai Composite Index បានកើនឡើង ០.៦២ ភាគរយដល់ ៣,២០២.០៦ ពិន្ទុ។ សន្ទស្សន៍សមាសធាតុ Shenzhen បានបិទទ្វារខ្ពស់ជាង ១.០២ ភាគរយនៅ ១១,០២៦.៥៩ ពិន្ទុ។
ប្រភព៖ Xinhua
ប្រែសម្រួលដោយ៖ [ឡាយ លីហួ]
