សភានីតិបញ្ញត្តិកំពូលរបស់ប្រទេសចិន បានចាប់ផ្តើមសម័យប្រជុំគណៈកម្មាធិការអចិន្ត្រៃយ៍

ប៉េកាំង៖គណៈកម្មាធិការអចិន្ត្រៃយ៍នៃសភាប្រជាជនជាតិលើកទី១៤ (NPC) ដែលជានីតិប្បញ្ញត្តិកំពូលរបស់ប្រទេសចិន បានចាប់ផ្តើមសម័យប្រជុំលើកទី៣ របស់ខ្លួនកាលពីថ្ងៃចន្ទ ដើម្បីពិនិត្យសេចក្តីព្រាងច្បាប់ និងវិសោធនកម្មច្បាប់ជាច្រើន។

របៀបវារៈនៃសម័យប្រជុំរួមមានការពិនិត្យឡើងវិញនូវសេចក្តីព្រាងច្បាប់ស្តីពីការអភិវឌ្ឍន៍បរិស្ថានគ្មានរបាំង សេចក្តីព្រាងច្បាប់ស្តីពីទំនាក់ទំនងខាងក្រៅ សេចក្តីព្រាងច្បាប់ស្តីពីការពិចារណាឡើងវិញផ្នែករដ្ឋបាល និងសេចក្តីព្រាងច្បាប់ស្តីពីការការពារបរិស្ថានសមុទ្រ។

សមាជិកសភាក៏នឹងពិនិត្យលើសេចក្តីព្រាងច្បាប់អប់រំស្នេហាជាតិ សេចក្តីព្រាងច្បាប់ស្តីពីសន្តិសុខស្បៀង សេចក្តីព្រាងសេចក្តីសម្រេចស្តីពីការបង្កើតគណៈកម្មាធិការអចិន្ត្រៃយ៍នៃគណៈកម្មាធិការអចិន្ត្រៃយ៍ NPC និងសេចក្តីព្រាងសេចក្តីសម្រេចស្តីពីការរៀបចំ “ទិវាបរិស្ថានវិទ្យាជាតិ” ជាដើម។

ប្រភពព័ត៌មានៈXinhua
ប្រែសំរួលដោយៈយ៉េន សុវណ្ណារ៉ា