សម្តេចតេជោ ហ៊ុន សែន សង្ឃឹមយ៉ាងមាំថា ថ្ងៃបោះឆ្នោត២៣ កក្កដា ខាងមុខ លេខ១៨ សញ្ញាទេវតាបាចផ្កា ស្ថិតនៅក្នុងជម្រើសរបស់ពលរដ្ឋ
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបង្ហាញក្ដីសង្ឃឹមយ៉ាងមាំថា ការបោះឆ្នោត ថ្ងៃទី២៣ ខែកក្កដា ឆ្នាំ២០២៣ខាងមុខ លេខ១៨ សញ្ញាទេវតា បាចផ្កា ហៅថាគណបក្សប្រជាជន ស្ថិតនៅក្នុងជម្រើសរបស់ប្រជាពលរដ្ឋ ។
ក្នុងពិធីបើកការដ្ឋានសាងសង់ផ្លូវល្បឿនលឿន ភ្នំពេញ-បាវិត នាថ្ងៃទី៧ ខែមិថុនា សម្តេចតេជោ ហ៊ុន សែន បញ្ជាក់ថា «ខ្ញុំសង្ឃឹមថា ប្រជាពលរដ្ឋរបស់យើង នឹងអញ្ជើញទៅចូលរួមបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ។ ខ្ញុំក៏សូមយកឱកាសនេះអរគុណ ចំពោះប្រជាពលរដ្ឋទាំងអស់ដែលបានបោះឆ្នោត ឱ្យគណបក្សប្រជាជនកម្ពុជាកាលពីឆ្នាំ២០២២កន្លងផុតទៅ ហើយសង្ឃឹមយ៉ាងមាំថា ថ្ងៃទី២៣ ខែកក្កដា ឆ្នាំ២០២៣ខាងមុខ លេខ១៨ សញ្ញាទេវតា បាចផ្កា ហៅថាគណបក្សប្រជាជន ស្ថិតនៅក្នុងជម្រើសរបស់ប្រជាពលរដ្ឋ។នេះមិនមែនជាការឃោសនាបោះឆ្នោតទេ តែនេះជារឿងដែលជៀសមិនផុត ព្រោះគណបក្សផ្សេងទៀតក៏និយាយដែរ ព្រោះដំណើរការចាប់លេខរៀងបានធ្វើរួចហើយ» ៕
