សម្តេច ទៀ បាញ់ អញ្ជើញចុះសួរសុខទុក្ខឧត្ដមសេនីយ៍ទោ កែ ឡេង ដែលកំពុងសម្រាកព្យាបាលវះកាត់ឈាមកកក្នុងខួរក្បាល នៅមន្ទីរពេទ្យព្រះកេតុមាលា
ភ្នំពេញ៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋន្ត្រីក្រសួងការពារជាតិ នាព្រឹកថ្ងៃទី០៦ ខែមិថុនា ឆ្នាំ២០២៣ បានអញ្ជើញចុះសួរសុខទុក្ខឧត្ដមសេនីយ៍ទោ កែ ឡេង ដែលកំពុងសម្រាកព្យាបាលវះកាត់ខួរក្បាល នៅមន្ទីរពេទ្យព្រះកេតុមាលា។
សម្តេចពិជ័យសេនា ទៀ បាញ់ ក៏បានចូលរួមអបអរសាទរ និងសូមជូនពរចំពោះឧត្ដមសេនីយ៍ទោ កែ ឡេង ដែលបានវះកាត់ប្រកបដោយជោគជ័យ។
ឧត្ដមសេនីយ៍ទោ កែ ឡេង គឺជាវីរកីឡាការិនីប៉េតង់ឆ្នើមកម្ពុជា០១រូប ដណ្តើមបានមេដាយមាសពិភពលោក៤ជំនាន់ជាប់ៗគ្នា នៅលើវិញ្ញាសារវាយពិន្ទុកាលពីឆ្នាំ២០១៣-២០១៥-២០១៧-២០១៩ ដែលជាកំណត់ត្រាពិភពលោកមិនទាន់មានកីឡាការិនីអន្តរជាតិណាម្នាក់ធ្វើបានឡើយ។
សម្តេចពិជ័យសេនា ក៏បានអរគុណចំពោះក្រុមគ្រូពេទ្យមន្ទីរពេទ្យព្រះកេតុមាលា ដែលជួយសង្គ្រោះឧត្ដមសេនីយ៍ទោ កែ ឡេង ឱ្យរួចផុតពីការគ្រោះថ្នាក់ ៕
