ផ្តើមចេញពីគំនុំក្មេងស្ទាវ ១ក្រុម មានគ្នាជាច្រើននាក់ ប្រដាប់ដោយកាំបិត ដាវ ដេញកាប់គូទំនាស់ ផ្អើលពេញសង្កាត់អូរអំបិល របួសម្នាក់ធ្ងន់
ភ្នំពេញ៖ ស្ទាវ ១ក្រុម គ្រាន់តែមានទំនាស់ពាក្យសំដីនិងគ្នា សោះមិនអាចដោះស្រាយបាន មានគំនុំ ឈានដល់បបួលគ្នីគ្នាជាច្រើននាក់ មានកាំបិត ដាវ ដេញកាប់គូ ទំនាស់ ផ្អើលពេញសង្កាត់អូរអំបិល បណ្តាលឲ្យភាគីម្ខាងរបួសធ្ងន់ម្នាក់។ក្រោយពីកើតហេតុ ត្រូវកំលាំងអធិកាដ្ឋាននគរបាលក្រុងសិរីសោភ័ណ ចុះស្រាវជ្រាវឈានដល់បង្ក្រាបបាន១១នាក់។ករណីហឹង្សានេះកើតឡើងនៅលាម៉ោង ៨យប់ថ្ងៃទី២៣ ខែឧសភា ២០២៣ នៅចំណុចតូបលក់ឥវ៉ាន់ចាបហ៊ួយ១កន្លែង ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
តាមការអះអាងរបស់ជនសង្ស័យទាំងអស់បាននិយាយប្រាប់សមត្ថកិច្ចថា៖ រឿងរាវដែលឈានដល់កាប់គ្នានេះ ផ្តើមពីរឿងគំនុំកន្លងមក ដោយក្រុមខ្លួនមិនសុខចិត្ត ក៏បបួលគ្នីគ្នាបានចំនួន ១៦នាក់ជិះម៉ូតូ៦គ្រឿងចេញធ្វើសកម្មភាព ទាំងយប់ មានម៉ាកហុងដាឌ្រីម៥គ្រឿង ម៉ាកស្កុបពី១គ្រឿង ពណ៌ខៀវ ដេញកាប់ និងយកដុំថ្មគប់ទៅលើ ជនរងគ្រោះមានគ្នា ៥នាក់ ពេញតែចំណុចតូបលក់ឥវ៉ាន់ចាបហ៊ួយ១កន្លែង ដោយកាប់គូទំនាស់ពួកេម្នាក់ត្រូវចំដៃរងរបួសធ្ងន់ ចំណែក ៤នាក់ទៀតគេចរួចខ្លួន មិនអស់ចិត្ត ពួកគេបានកាប់ម៉ូតូ ខូតអស់៣គ្រឿងបន្តទៀតហើយគេចខ្លួន ។
នគរបាលក្រុងសិរីសោភ័ណបានឲ្យដឹងថា៖ក្រោយពីកើតហេតុ លោកឧត្តមសេនីយ៍ទោ សិទ្ធិ ឡោះស្នងការនគរបាលខេត្តបន្ទាយមានជ័យ បញ្ជាឲ្យ កម្លាំងអធិការដ្ឋាននគរបាលក្រុងសិរីសោភ័ណ សហការគ្នាជាមួយ កម្លាំងនគរបាលផែនការងារព្រហ្មទណ្ឌ ចុះស្រាវជ្រាវជនបង្ក ឈានដល់ឃាត់ខ្លួន បានចំនួន១១នាក់ ក្នុងចំណោម ១៦នាក់ រួមនិងវត្ថុតាង មានម៉ូតូ៥គ្រឿង និង កាំបិត ៣ដើម យកមកអធិការក្រុងសិរីសោភ័យដើម្បីធ្វើកំណត់ហតុ ។
នគរបាលបានបន្តថា៖ក្រុមជនដៃដល់ ទាំង១១នាក់មាន៖ឈ្មោះ១/-ឈ្មោះឡន ជីឡុង អាយុ១៦ឆ្នាំ ,២/-ឈ្មោះសម្ភស្ស ប៊ុនហេង អាយុ១៦ឆ្នាំ ,៣/- ឈ្មោះញែប ឡុងហេង អាយុ១៧ឆ្នាំជនដៃដល់មានកាំបិត ,៤/-ឈ្មោះពេញ នរៈសត្យា អាយុ១៧ឆ្នាំ ,៥ /-ឈ្មោះខន រតនា អាយុ១៦ឆ្នាំ ទ,៦/- ឈ្មោះខន សិរីឧត្តមអាយុ១៦ឆ្នាំ ,៧/- ឈ្មោះយាន គារ៉ា អាយុ១៦ឆ្នាំ ,៨/- ឈ្មោះធឿន ប៉ូលីន អាយុ១៧ឆ្នាំ ,៩/-ឈ្មោះប៊ុឡា ផានិត អាយុ១៥ឆ្នាំ ភូមិសូភី ,១០/-ឈ្មោះជូ បញ្ចះបញ្ញាអាយុ១៦ឆ្នាំ ,១១/- ឈ្មោះភាព ពីនធុក អាយុ១៥ ឆ្នាំ ជនសង្ស័យទាំង១១នាក់រស់នៅក្នុងក្រុងសិរីសោភ័ណ។ចំណែកជនរងគ្រោះមានឈ្មោះ សមុទ្យ ភេទប្រុស ត្រូវគេកាប់ចំដៃឆ្វេង ត្រូវបានបញ្ជូនទៅព្យាបាលនៅមន្ទីរពេទ្យមិត្ដភាពកម្ពុជា-ជប៉ុនស្រុកមង្គលបូរី ។បច្ចុប្បន្នជនដៃដល់ទាំង១១នាក់ បានបញ្ជូនទៅស្នងការដ្ឋាននគរបាលខេត្ត ដើម្បីចាត់ការបន្តតាមនិតិវិធិ ។ចំណែកគ្នីគ្នា៥នាក់ទៀត ដែលកំពុងរត់គេចខ្លួននោះកំលាំងនគរបាលក្រុងសិរីសោភ័ណបន្តស្រាវជ្រាវចាប់យកមកផ្តន្ទាទោស ផងដែរ៕
