ឧត្តមសេនីយ៍ទោ ហួត សុធី ចូលរួមអបអរសាទរពិធីបំពាក់គ្រឿងឥស្សរិយយស និងប្រគល់ផ្ទះជូនអតីតយុទ្ធជន និងយោធិនពិការ

ភ្នំពេញ៖ លោក ឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ និងជាប្រធានគណៈកម្មាធិការអតីតយុទ្ធជនខេត្ត នៅថ្ងៃទី២០ ខែឧសភា ឆ្នាំ២០២៣ បានដឹកនាំកងកម្លាំងក្រោមឱវាទ ការពារសន្តិសុខ សណ្តាប់ធ្នាប់ និងចូលរួមអបអរសាទរពិធីបំពាក់គ្រឿងឥស្សរិយយស និងប្រគល់ផ្ទះជូនអតីតយុទ្ធជន និងយោធិនពិការ ក្រោមអធិបតីភាពដ៏ខ្ពង់ខ្ពស់ ឯកឧត្តម បណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ធបណ្ឌិត ដែលរៀបចំឡើងនៅភូមិស្រះទឹកតេជោសែនជ័យ ឃុំ-ស្រុកចុងកាល់។

ពិធីនេះក៏មានការអញ្ជើញចូលរួមពី ឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្រ្តី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា, ឯកឧត្តម រដ្ឋលេខាធិការ អនុរដ្ឋលេខាធិការ, ឯកឧត្តម អភិបាល នៃគណ:អភិបាលខេត្តព្រះវិហារ, តំណាងឯកឧត្តម អភិបាល នៃគណ:អភិបាលខេត្តសៀមរាប, ឯកឧត្តម អភិបាល នៃគណ:អភិបាលខេត្តបន្ទាយមានជ័យ, ឯកឧត្តម នាយឧត្តមសេនីយ៍, ឯកឧត្តម លោកជំទាវ ថ្នាក់ដឹកនាំប្រតិភូអមដំណើរ, ឯកឧត្តម លោកជំទាវថ្នាក់ដឹកនាំខេត្ត លោក លោកស្រីមន្រ្តីរាជការ អង្គភាព ស្ថាប័នជុំវិញខេត្ត កងកម្លាំងប្រដាប់អាវុធគ្រប់ប្រភេទ ក្រុមយុវជនស្រុក សមាជិក សមាជិការ អ៊ុំ ពូ មីង យោធិនពិការ និងគ្រួសារអតីតយុទ្ធជនយ៉ាងច្រើនកុះករ។

ឆ្លៀតក្នុងឱកាសនេះ ឯកឧត្តម បណ្ឌិត ហ៊ុន ម៉ាណែត បានមានមតិសំណេះសំណាល បំពាក់គ្រឿងឥស្សរិយយស ដល់អតីតយុទ្ធជន យោធិនពិការ សប្បុរសជន សរុបចំនួន ៥៨៨នាក់ និងធ្វើពិធីប្រគល់-ទទួលផ្ទះជូនអតីតយុទ្ធជន ចំនួន ១៧៦ខ្នង ស្មើ ១៧៦គ្រួសារ និងបានពាំនាំនូវប្រសាសន៍ផ្តាំផ្ញើសួរសុខទុក្ខ និងនាំយកអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ចែកជូនដល់បងប្អូនអតីតយុទ្ធជន យោធិនពិការ ព្រមទាំងគ្រួសារ សរុប ៧៥០គ្រួសារ ក្នុង ០១គ្រួសារទទួលបាន អង្ករ ២៥គីឡូក្រាម, មី ០១កេស, ត្រីខ ០១យួរ, ទឹកត្រីទឹកស៊ីអ៊ីវ ០១យួរ, ទឹកបរិសុទ្ធ ០១កេស, ថវិកា ១០ម៉ឺនរៀល និងថវិកាជូនក្រុមយុវជន ២៥០នាក់ ម្នាក់ៗទទួលបាន ០៥ម៉ឺនរៀលផងដែរ ៕