អាគារសាលប្រជុំ១ខ្នង និងសមិទ្ធផលនានា ក្នុងវត្តមង្គលមានលក្ខណ៍ ស្ថិតក្នុងស្រុកត្រាំកក់ ខេត្តតាកែវ ត្រូវបានសម្ភោធដាក់ឱ្យដំណើរការជាផ្លូវការ
ភ្នំពេញ៖ ឯកឧត្តម ហ៊ុន ម៉ានិត នាយករងខុទ្ទកាល័យ សម្ដេចតេជោ ហ៊ុន សែន នាយករដ្ឋមន្រ្តី និងលោកជំទាវ នាព្រឹកថ្ងៃទី២៩ ខែមេសា ឆ្នាំ២០២៣ បានអញ្ជើញជាអធិបតីភាពក្នុងពិធីសម្ពោធអាគារសាលប្រជុំ១ខ្នង និងសមិទ្ធផលនានា ក្នុងវត្តមង្គលមានលក្ខណ៍ ឃុំត្រពាំងធំខាងជើង ស្រុកត្រាំកក់ ខេត្តតាកែវ។
ពិធីនេះដែរ ក៏មានការអញ្ជើញចូលរួមពីសំណាក់ លោកជំទាវ ម៉ែន ភក្តី ហុកឡុងឌី ឯកឧត្តម យស ណាស៊ី ប្រធានក្រុមប្រឹក្សាខេត្ត ឯកឧត្តម អ៊ូច ភា អភិបាលខេត្ត ឯកឧត្តមបណ្ឌិត មុិញ បានកុសល ប្រធានសមាគមសិស្ស និស្សិត វញ្ញាវត្តក្មេងវត្ត ព្រមទាំងវត្តមានឯកឧត្តម លោកជំទាវ លោកឧកញ៉ា ជាភ្ញៀវកិត្តិយស និងបងប្អូនប្រជាពលរដ្ឋ ក្រុមយុវជន សិស្ស និស្សិត តាជីយាយជី ចូលរួមយ៉ាងច្រើនកុះករផងដែរ ៕
