រដ្ឋមន្រ្តីក្រសួងផែនការ ចុះពិនិត្យមើលដំណើរការមន្រ្តីជំរឿនកសិកម្ម ចុះសម្ភាសន៍ពលរដ្ឋនៅភូមិត្រពាំងគួរ ឃុំលាយបូរ ស្រុកត្រាំកក់
ភ្នំពេញ៖ ឯកឧត្តម កិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ អមដំណើរដោយ ឯកឧត្តម លោកជំទាវ ប្រតិភូក្រសួង នាថ្ងៃទី១៨ ខែមេសា ឆ្នាំ២០២៣ បានចុះពិនិត្យមើលដំណើការរបស់មន្រ្តី ជំរឿនកសិកម្ម ចុះធ្វើការសម្ភាសន៍ពលរដ្ឋ នៅភូមិត្រពាំងគួរ ឃុំលាយបូរ ស្រុកត្រាំកក់។
ការចុះពិនិត្យនេះដែរ ក៏មានការអញ្ជើញចូលរួមដោយ លោក ញ៉ែម ស្រស់ អភិបាលរងខេត្ត លោក មឿង រ៉ាដូ ប្រធានមន្ទីរផែនការ លោក កៅ វគ្គសែល អភិបាលស្រុកត្រាំកក់ លោក លោកស្រី អភិបាលរង អាជ្ញាធរឃុំ ភូមិ ចូលរួមផងដែរ។
យោងតាមការបញ្ជាក់របស់លោក មឿង រ៉ាដូ ប្រធានមន្ទីរផែនការខេត្តតាកែវ បានឱ្យដឹងថា នៅខេត្តតាកែវ មាន ១០ ក្រុង/ស្រុក និងមាន ១០០ ឃុំ/សង្កាត់ និងមាន ១១២១ភូមិ នឹងគិតត្រឹមថ្ងៃទី១៧ ខែមេសា ឆ្នាំ២០២៣នេះ មានពលរដ្ឋ ចំនួន ២១៧,៥២៧គ្រួសារ ដែលបានចុះបញ្ជីរួចរាល់ និងមាន ១៥៦,៨១២គ្រួសារ ជាប់ជាគ្រួសារកសិកម្ម និងចំនួន ៥,៥៧២គ្រួសារ បានធ្វើការសម្ភាសន៍ចប់សព្វគ្រប់ ៕
