នាយឧត្តមសេនីយ៍ ហ៊ុន ម៉ាណែត សង្ឃឹមជឿជាក់ថា មេបញ្ជាការរង នាយសេនាធិការថ្មី នឹងមេបញ្ជាការអង្គភាព តំបន់ប្រតិបត្តិការសឹករងឧត្តរមានជ័យទាំងអស់ នឹងរួមគ្នាក្នុងធ្លុងសាមគ្គីឯកភាពផ្ទៃក្នុងល្អ
ភ្នំពេញ៖ ឯកឧត្តម នាយឧត្តមសេនីយ៍ ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានបង្ហាញក្ដីសង្ឃឹមជឿជាក់ថា មេបញ្ជាការរង នាយសេនាធិការថ្មី រួមជាមួយនឹងមេបញ្ជាការអង្គភាព ព្រមទាំងយោធិនរបស់តំបន់ប្រតិបត្តិការសឹករងឧត្តរមានជ័យទាំងអស់ នឹងរួមគ្នាក្នុងធ្លុងសាមគ្គីឯកភាពផ្ទៃក្នុងល្អ ហើយបន្តកិច្ចខិតខំប្រឹងប្រែងបំពេញការងារឱ្យបានកាន់តែសកម្ម និងខ្លាំងក្លា ដើម្បីសម្រេចបាននូវស្នាដៃ និងសមិទ្ធផលថ្មីៗកាន់តែប្រសើរឡើងថែមទៀតជូនជាតិមាតុភូមិ ជាពិសេសធ្វើយ៉ាងណាធានាឱ្យបាននូវនិរន្តរភាពនៃការរីកចម្រើនរបស់អង្គភាពបន្តទៅមុខ ដើម្បីទុកជាមូលដ្ឋានសម្រាប់អ្នកបន្តវេនជំនាន់ក្រោយៗទៀត។
នាយឧត្តមសេនីយ៍ បានថ្លែងបែបនេះ នៅក្នុងពេលអញ្ជើញប្រកាសតែងតាំងផ្លាស់ប្តូរមុខតំណែងជូននាយទាហាន តំបន់ប្រតិបត្តិការសឹករងឧត្តរមានជ័យ យោធភូមិភាគទី៤ ខេត្តឧត្តរមានជ័យ នៅថ្ងៃទី១១ ខែមេសា ឆ្នាំ២០២៣។
នាយឧត្តមសេនីយ៍ ហ៊ុន ម៉ាណែត ក៏បានចូលរួមសម្តែងនូវការអបអរសាទរចំពោះ វរសេនីយ៍ឯក សាន់ សារូ ដែលត្រូវបានតែងតាំងមុខតំណែងជាមេបញ្ជាការរង នាយសេនាធិការ តំបន់ប្រតិបត្តិការសឹករងឧត្តរមានជ័យផងដែរ៕
