អាជ្ញាធរនិងសភាពាណិជ្ជកម្ម លើកទឹកចិត្តវិនិយោគិននៃបូរីSSC ដែលបានបោះទុនវិនិយោគយ៉ាងច្រើន នៅស្ទឹងទឹកថ្លា ខេត្តបន្ទាយមានជ័យ
ភ្នំពេញ៖ អាជ្ញាធរសមត្ថកិច្ចនិងសភាពាណិជ្ជកម្មនៅខេត្តបន្ទាយមានជ័យលើកទឹកចិត្តវិនិយោគិនក្នុងស្រុកលោកសាម សុជាងនៃបូរី SSC ដែលបានបោះទុនវិនិយោគយ៉ាងច្រើននៅក្បាលស្ពានទឹកថ្លានាភូមិទឹកថ្កាសង្កាត់ទឹកថ្លាក្រុងសិរីសោភ័ណខេត្តបន្ទាយមានជ័យ។
លោកខេង ស៊ុម ប្រធានក្រុមប្រឹក្សាខេត្តបន្ទាយមានជ័យ លោកលី សុវណ្ណារិទ្ធិ អភិបាលរងខេត្ត លោកដុំ វណ្ណឌី អនុប្រធានមន្ទីរពាណិជ្ជកម្មខេត្ត លោក ឈឿង ឈីវអៀន ប្រធានសភាពាណិជ្ជកម្មខេត្ត ឱ្យដឹងបន្តបន្ទាប់ ស្រដៀងគ្នាក្នុងន័យខាងលើនេះកាលពីពេលថ្មីៗនេះ។
ពោលគឺបន្ទាប់ពីពិធីសូត្រមន្តឡើងសាលអាពាហ៍ពិពាហ៍ស្ទឹងទឹកថ្លា នៅក្បាលស្ទឹងទឹកថ្លា ផ្លូវជាតិលេខ៥ភូមិ-សង្កាត់ទឹកថ្លាក្រុងសិរីសោភ័ណខេត្តបន្ទាយមានជ័យកាលពីថ្មីៗនេះ ។
មន្ត្រីខាងលើបានកត់សម្គាល់ថា : ក្នុងអំឡុងវិបត្តិសាកលនៃការរីករាលជម្ងឺកូវីដ១៩កន្លងមក បានប៉ះពាល់យ៉ាងខ្លាំងដល់ជីវភាពប្រជាពលរដ្ឋមូលដ្ឋាន សេដ្ឋកិច្ច សង្គមកិច្ចតំបន់និងជាតិ។
ហេតុនេះ ក្រោយវិបត្តិនេះ ទាំងមូលដ្ឋាន ខេត្តនិងរាជរដ្ឋាភិបាលបាននឹងកំពុងខិតខំស្តារអ្វីៗឡើងវិញ។ អាជ្ញាធរ សមត្ថកិច្ចនិងសភាពាណិជ្ជកម្មបានវាយតម្លៃខ្ពស់និងចាត់ទុកគម្រោងវិនិយោគក្នុងស្រុករបស់ឯកឧត្តម សាម សុជាងនិងលោកស្រីនៃបូរីSSC នេះថាជាការរួមចំណែកដ៏សំខាន់ក្នុងលើកកម្ពស់ជីវភាពមូលដ្ឋាននិងសេដ្ឋកិច្ចតំបន់ ដែលទើបរើបរើឡើងវិញបនេះ ។
បើតាមឯកឧត្តម សាម សុជាង និងលោកជំទាវ ប្រាក់ យ៉ាននី រស់នៅខេត្តសៀមរាប ដែលជាអ្នកវិនិយោគក្នុងស្រុកនេះ អោយដឹងថា: ខ្លួនបានបោះទុនវិនិយោគយ៉ាងច្រើននិងអនុវត្តគម្រោងសាងសង់ រចនានូវបណ្តុំអាជីវកម្ម សេវារួមមានអគារសំណង់នៃបុរី(SSC) សាលប្រជុំ/សិក្ខាសាលាតូច -ធំ ស្ថានីយ៍ប្រេងឥន្ទន: ភោជនីយដ្ឋាន រមណីដ្ឋាន(រីសត) ម៉ូតែល ផ្ទះលំហែ KTV និងមហាសាលពិសារនៃពិធីអាពាហ៍ពិពាហ៍…ទាំងនេះ ។
ការវិនិយោគក្នុងស្រុកដ៏ធំមួយនេះ ធ្វើឡើងជិត៣ឆ្នាំមកហើយ ហើយនៅថ្មីៗកន្លងមកនេះបានធ្វើពិធីឡើងសាលអាពាហ៍ពិពាហ៍ ជានិមិត្តរូបនៃកាេដាក់អោយដំណើរការបណ្តុំអាជីវកម្ម សេវាកម្មជាច្រើនដូចខាងខាងលើ ។
គឺចំឱកាសដែលក្នុងខេត្តនិងទូទាំងប្រទេសបាននឹងកំពុងត្រៀមអបអរសាទរនិងរៀបចំសង្ក្រាន្ត ឆ្នាំថ្មីឆ្នាំថោះ បញ្ចស័ក ពស២៥៦៧ គស២០២៣ នាថ្ងៃទី១៤-១៥-១៦ខែមេសាឆ្នាំ២០២៣ ដ៏ខ្លីខាងមុខ ។
សាលអាពាហ៍ពិពាហ៍នេះ មានទទួលស្វាគមន៍ភ្ញៀវដែលមានបំណងរៀបចំពិធីពពាហ៍ពិពាហ៍ឬពិធីជួបជុំជប់លៀង ចាប់ពី៧០តុ,១២០តុ,១៥០តុ,៣៥០តុ អាចភ្ជាប់ទៅកាន់ផ្នែកទំនាក់ទំនាក់និងព័ត៌មាន តាមទូរស័ព្ទ / តេឡេក្រាម នៃលេខ077236121/081382539 / 0887 869853 ៕
