បណ្ឌិត ប៉ែន ស៊ីម៉ន៖ រាជរដ្នាភិបាល ដែលមានសម្តេចតេជោ ជាប្រមុខបានយកចិត្តដល់ការស្តារ និងអភិវឌ្ឍន៍លើគ្រប់វិស័យ ក្នុងនោះវិស័យសាសនា ត្រូវបានលើកកម្ពស់
ភ្នំពេញ៖ ឯកឧត្តមបណ្ឌិត ប៉ែន ស៊ីម៉ន តំណាងរាស្ត្រមណ្ឌលកំពត និងជាប្រធានគណៈកម្មការទី១០ នៃរដ្ឋសភា បានថ្លែងថា រាជរដ្នាភិបាល ដែលមានសម្តេចតេជោ ហ៊ុន សែន ជាប្រមុខបានយកចិត្តដល់ការស្តារ និងអភិវឌ្ឍន៍លើគ្រប់វិស័យ ក្នុងនោះវិស័យសាសនាត្រូវបានលើកកម្ពស់ ។
ក្នុងពិធីបុណ្យបញ្ចុះខណ្ឌឬសសីមាឆ្លងព្រះវិហារ ឆ្លងសមិទ្ធផលនានា និងពុទ្ធាភិសេកពិសេកក្នុងបរិវេណវត្តអង្ក្រងរាជា ស្ថិតក្នុងភូមិអង្ក្រង ឃុំ កំពង់ត្រាច ស្រុកកំពង់ត្រាច ខេត្តកំពត នាថ្ងៃទី២ ខែមេសា ឆ្នាំ២០២៣ ឯកឧត្តមបណ្ឌិត ប៉ែន ស៊ីម៉ន បានសម្តែងការកោតសរសើរ ចំពោះសប្បុរសជនជិតឆ្ងាយ ដែលបានរួមគ្នាកសាងនូវ រាល់សមិទ្ធផលនេះឡើងពិតជាត្រឹមត្រូវ តាមពុទ្ធានុញ្ញាត សម្រាប់ព្រះសង្ឃធ្វើសង្ឃកម្មផ្សេងៗ មានឧបោសថកម្មជាដើម ។
ឯកឧត្តមបណ្ឌិត ប៉ែន ស៊ីម៉ន បានបន្តទៀតថា វត្តអារាមគឺជាថ្នាលបណ្តុះ បណ្តាលធនធានមនុស្ស ដែលអាវ៉ាសទាំងអស់ សុទ្ធសឹងតែបម្រើអោយវិសយ័ពុទ្ធចក្រ និងអាណាចក្រ ។ គ្រប់សាសនាទាំងអស់នៅកម្ពុជាសុទ្ធតែកើតឡើងតំណាលគ្នាចាប់តាំងពីក្រោយថ្ងៃរំដោះ ៧មករាឆ្នាំ១៩៧៩ ដែលរហូតមកដល់ពេលនេះរាជរដ្នាភិបាលបានចាត់ទុកព្រះពុទ្ធសាសនា ជាសាសនារបស់រដ្ឋទៀតផង ។
ឆ្លៀតឱកាសនោះ ឯកឧត្តម បណ្ឌិត ប៉ែន ស៊ីម៉ន បានអញ្ជើញបំពាក់មេដាយដល់សប្បុរសជន ប្រគេនបច្ច័យសីមាឥន្ទកិល ចំនួន២០លានរៀល សីមាទាំង៨ទិសក្នុងមួយទិសៗ បច្ច័យ ៥០ម៉ឺនរៀល ប្រគេនព្រះសង្ឃជយន្តោទាំងលើវេទការ និងមុខព្រះជីរធំនៃសីមាឥន្ទកិលក្នុងព្រះវិហារ សរុប ២៨អង្គ ក្នុង១អង្គៗ សាដក១ និងបច្ច័យ ៥ម៉ឺនរៀល តាជី យាយជី ចំនួន ១០០នាក់ ម្នាក់ៗខោ និងសំពត់ឡាញ់១ អាវស កន្សែងពានា១ និងថវិកា ១ម៉ឺនរៀលផងដែរ ៕
