គណៈប្រតិភូយុវជនគណបក្សប្រជាជនកម្ពុជាថ្នាក់កណ្តាល អញ្ជើញទស្សនកិច្ចនៅ Shenzhen Talent Park និងទីក្រុងបុរាណ Nantou

ភ្នំពេញ៖ ឯកឧត្តមបណ្ឌិត ស៊ាន បូរ៉ាត សមាជិកគណៈកម្មាធិការកណ្តាល និងជាអនុប្រធានយុវជនគណបក្សថ្នាក់កណ្ដាល នាថ្ងៃទី២ ខែមេសា ឆ្នាំ២០២៣ បានអញ្ជើញដឹកនាំគណៈប្រតិភូ យុវជនគណបក្សថ្នាក់កណ្ដាល ធ្វើទស្សនកិច្ចសិក្សានៅ Shenzhen Talent Park។

Shenzhen Talent Park គឺជាឧទ្យានទីក្រុងដែលមានគុណភាពខ្ពស់ ដំបូងគេដែលមានប្រធានបទ “ទេពកោសល្យ” នៅក្នុងប្រទេសចិន។ វាត្រូវបានភ្ជាប់ជាមួយសួន Shenzhen Bay Park និងមជ្ឈមណ្ឌលកីឡា Shenzhen Bay ហើយនៅជិតមូលដ្ឋាន Shenzhen Bay Super Headquarter ក៏ដូចជាតំបន់ស្នូលនៃ ខេត្ត Guangdong, ទីក្រុងHong Kong និងទីក្រុង Macao។

បន្ទាប់ពីបញ្ចប់ការទស្សនា Shenzhen Talent Park គណៈប្រតិភូយុវជនគណបក្សប្រជាជនកម្ពុជាថ្នាក់កណ្តាល ក៏បានចូលទស្សនាទីក្រុងបុរាណ Nantou។ ទីក្រុងបុរាណ Nantou គឺជាតំបន់រដ្ឋបាលប្រវត្តិសាស្ត្ររបស់ចិន ដែលត្រូវបានបង្កើតឡើងក្នុងឆ្នាំដំបូងនៃរជ្ជកាល Xianhe ក្នុងរាជវង្ស Jin ភាគខាងកើត ៕