ឯកឧត្ដម គៀត ច័ន្ទថារិទ្ធ អញ្ជើញជាអធិបតីក្នុងកិច្ចប្រជុំផ្សព្វផ្សាយសេចក្ដីសម្រេចចិត្ត នៃមហាសន្និបាតវិសាមញ្ញតំណាងទូទាំងប្រទេស របស់គណបក្សប្រជាជន
ភ្នំពេញ៖ ឯកឧត្ដម គៀត ច័ន្ទថារិទ្ធ សមាជិកគណ:កម្មធិការកណ្ដាល និងជាអនុប្រធានទី១ក្រុមការងារចុះជួយមូលដ្ឋានស្រុកបាណន់ ព្រមទាំងជាប្រធានក្រុមការងាររាជរដ្ឋាភិបាលចុះជួយមូលដ្ឋានឃុំស្នឹង នាព្រឹកថ្ងៃសៅរ៍ ៦កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៥ ខែកុម្ភៈ ឆ្នាំ២០២៣ បានអញ្ជើញជាអធិបតីក្នុងកិច្ចប្រជុំផ្សព្វផ្សាយសេចក្ដីសម្រេចចិត្ត នៃមហាសន្និបាតវិសាមញ្ញតំណាងទូទាំងប្រទេស របស់គណបក្សប្រជាជនកម្ពុជា និងផែនការសកម្មភាព ឆ្ពោះទៅកាន់ការបោះឆ្នោតជ្រេីសតាំងតំណាងរាស្រ្ត នីតិកាលទី៧ និងទិសដៅអនុវត្តបន្តកាងារឆ្នាំ២០២៣។
កិច្ចប្រជុំនេះក៏មានការអញ្ជេីញចូលរួមពី ឯកឧត្តម សមាជិកអចិន្រៃ្តយ៍គណ:កម្មាធិការគណបក្សខេត្ត ឯកឧត្តម លោក លោកស្រី អនុប្រធានក្រុមការងារចុះមូលដ្ឋានឃុំស្នឹង លោក លោកស្រីប្រធានក្រុមការងារចុះជួយភូមិភូមិទាំង១១ នៃឃុំស្នឹង។
ជាកិច្ចចាប់ផ្ដេីម លោក ចា ប៊ុនឈឿម ប្រធានគណ:កម្មាធិការបក្សឃុំ បានអាននូវសុទ្មរកថាស្វាគមន៍ ឯកឧត្តម ប្រធានក្រុមការងារ និងរាយការណ៍ទាក់ទង លក្ខណ:ភូមិសាស្រ្ត សកម្មភាពសន្តិសុខ ការងារបង្កបង្កេីនផល ផែនការបន្ត និងការសំណូពរ។ បន្ទាប់មកលោក ផាន ភក្ដី បានអានខ្លឹមសារមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា ជូនឯកឧត្តមប្រធាន និងអង្គប្រជុំ។
មានប្រសាសន៍នាឱកាសនោះ ឯកឧត្តម គៀត ច័ន្ទថារិទ្ធ មានប្រសាសន៍ថា គោលបំណងនៃការមកប្រជុំនេះគឺសំខាន់ជាការផ្សព្វផ្សាយ ខ្លឹមសារ ស្មារតីមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា ដែលប្រារព្ធឡេីងកាលពីខែមករា ឆ្នាំ២០២៣ កន្លងទៅនេះ។
ឯកឧត្តម បានបញ្ជក់ថាមូលហេតុបានជារាល់ពេលដែលគណ:បក្សប្រជាជនធ្វេីមហាសន្និបាតវិសាមញ្ញតែងតែរៀបចំឱ្យមានការផ្សព្វផ្សាយគ្រប់ខេត្ត-ក្រុង ស្រុក ឃុំ របស់គណ:បក្សប្រជាជន ត្រង់ចំនុចនេះមានន័យថាគណ:បក្សជាអ្នកដឹកនាំ តែងតែចេញនូវគោលការណ៍ យុត្តិសាស្រ្តដឹកនាំប្រទេសជាតិថ្មីៗ ដេីម្បីឱ្យគណ:បក្សថ្នាក់ក្រោមយល់ជ្រាបអនុវត្តបន្ត។
ឯកឧត្តម គៀត ច័ន្ទថារិទ្ធ បានបន្តទៀតថាមហាសន្និបាតនេះមានលក្ខណ:សំខាន់ដូចជា ការពិនិត្យមេីលសភាពការណ៍ ផ្សព្វផ្សាយ ពិភាក្សា វាយតម្លៃ និងផែនការអនុវត្តប្រទេសជាតិបន្តទៀត។
ជាចុងបញ្ចប់ ឯកឧត្តម ប្រធានក្រុមការងារ ក៏បានណែនាំដល់ប្រធានក្រុមការងារតាមភូមិនីមួយៗយកចិត្តទុកទៅប្រជាពលរដ្ឋដែលបានចំណាកស្រុក ជាពិសេសត្រូវគ្រប់គ្រងឲ្យបានទៅលេីអត្តសញ្ញាប័ណ្ណ និងជម្រុញឱ្យអ្នកគ្រប់អាយុឫរបស់ប្រជាពលរដ្ឋ ដែលត្រូវធ្វេីថ្មី ផុតសុពលភាព មានការខូចខាតត្រូវធ្វេីឡេីងវិញ ព្រោះថាអត្តសញ្ញាណប័ណ្ណប្រជាពលរដ្ឋមានសារៈសំខាន់ក្នុងការប្រកបរបរប្រចាំថ្ងៃជាពិសេសសម្រាប់ការចូលរួមបោះឆ្នោតនាពេលខាងមុខដែរ។
ឯកឧត្តម ក៏បានអរគុណដល់ក្រុមការងារគណ:បក្សទាំងអស់ខិតខំប្រឹងប្រែងកន្លង និងលេីកទឹកចិត្តឱ្យបន្តខិតខំបន្ថែមទៀតដេីម្បីនយបាលដឹកនាំប្រទេសជាតិឱ្យមានការរីកចម្រេីន សុខសុវត្ថិភាព សន្តិភាព ៕
