តាកែវ៖ នៅថ្ងៃទី៤ ខែកុម្ភៈ ឆ្នាំ២០២៣ វេលាម៉ោង ២ និង ៣០នាទី នៅចំណុចស្ពានដើមធ្លក ជាប់ផ្លូវជាតិលេខ៣ ស្ថិតនៅភូមិអង្គគគី ឃុំពពេល ស្រុកត្រាំកក់ ខេត្តតាកែវ មានករណីហិង្សាដោយចេតនាមានស្ថានទម្ងន់ទោស មួយបង្ករឡើងដោយជនសង្ស័យមួយក្រុម ប្រដាប់ដោយកាំបិ.ត (ក្រង៉ុ.ក) និង ចំពាម.កៅស៊ូបានធ្វើសកម្មដេ.ញកា.ប់ និងបាញ់ទៅលើជនរងគ្រោះ មួយក្រុមទៀត រងរបួស ០២នាក់មាន ទី១-ឈ្មោះ នួន សុខណា ភេទប្រុស អាយុ ១.៧.ឆ្នាំ រស់ នៅភូមិ ព្រៃជួរ ឃុំពពេល ស្រុកត្រាំកក (រងរបួសស្រាល) ទី២-ឈ្មោះ ពៅ ពិសិដ្ឋ ភេទប្រុស អាយុ ១.៧.ឆ្នាំ រស់នៅភូមិត្រពាំងកក់ឃុំពពេល ស្រុកត្រាំកក់ (រងរបួសស្រាល) និងខូចខាតម៉ូតូ ០១គ្រឿង។
ក្រោយទទួលបានពាក្យបណ្ដឹង ពីជនរងគ្រោះ កម្លាំងជំនាញអធិការដ្ឋាននគរបាលស្រុកត្រាំកក់ សហការណ៍ជាមួយកម្លាំងប៉ុស្តិ៍នគរបាលរដ្ឋបាលអង្គតាសោម និងប៉ុស្តិ៍នគរបាលរដ្ឋបាល ពពេល ដឹកនាំបញ្ជា ដោយ លោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ ដោយមានការដឹកនាំពីលោកឧត្តមសេនីយ៍ទោ ឈាង ផាន់ណារ៉ា ស្នងការនញរបាលខេត្តតាកែវ និងសម្របសម្រួលនីតិវិធីដោយ ឯកឧត្តមព្រះរាជអាជ្ញា អមសាលាដំបូងខេត្ត បានធ្វើការស្រាវជ្រាវកំណត់មុខសញ្ញា រហូតឈានដល់ការឃាត់ខ្លួនបានជនសង្ស័យចំនួន៤នាក់ រួមមមាន៖
ទី១ឈ្មោះ ឈឿន ប៊ុនរតនៈ ភេទប្រុសអាយុ ១.៧. ឆ្នាំ ទីលំនៅបច្ចុប្បន្នភូមិព្រៃតាខាប ឃុំគុស ស្រុកត្រាំកក់ ទី២ឈ្មោះ យ៉ន វឌ្ឍនា ហៅរ៉ា ភេទប្រុស អាយុ ១.៧. ឆ្នាំ ទីលំនៅបច្ចុប្បន្នភូមិបាក់កូដ ឃុំលាយបូរ ស្រុកត្រាំកក់ ទី៣ឈ្មោះ សុឹង សំណាង ហៅជ្រូក ភេទប្រុស អាយុ ២៣ឆ្នាំទីលំនៅបច្ចុប្បន្នភូមិអង្គត្នោតខាងកើត ឃុំអង្គ តាសោម ស្រុកត្រាំកក់ និងទី៤ឈ្មោះ ប៉ែន ហ៊្វូសុិន ភេទប្រុស អាយុ ១.៩. ឆ្នាំ ទីលំនៅបច្ចុប្បន្នភូមិអង្គត្នោតខាងកើត ឃុំអង្គតាសោម ស្រុកត្រាំកក់។
ដកហូតសម្ភារៈវត្ថុតាងបានរួមមាន: ម៉ូតូម៉ាកC125 សង់ពណ៌ក្រហមស៊េរីឆ្នាំ 2020 ពាក់ផ្លាកលេខ តាកែវ 1U 3551 មួកសុវត្ថិភាពពណ៌សចំនួន 01 ទូរស័ព្ទចំនួន 2 គ្រឿង ។
សូមបញ្ជាក់ ជនសង្ស័យខាងលើជាមុខសញ្ញាបង្ករអុកឡុកតាមដងផ្លូវទីសាធារណៈ។
បច្ចប្បន្នជនសង្ស័យខាងលើ កម្លាំងជំនាញកំពុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី និងកំពុងបន្តស្វែងរកចាប់ខ្លួនបក្សពួកមួយចំនួនកំពុងរត់គេចខ្លួនយកមកផ្តន្ទាទោសតាមច្បាប់៕
