មេបញ្ជាការតំបន់ប្រតិបត្តិការសឹករងកំពង់ឆ្នាំង អញ្ជេីញបិទវគ្គហ្វឹកហ្វឺនជំនាញ ភស្តុភារ ហិរញ្ញវត្ថុ និង យន្តយុទ្ធ
ភ្នំពេញ៖ នៅទីបញ្ជាការតំបន់ប្រតិបត្តិការសឹករងកំពង់ឆ្នាំង នៅថ្ងៃទី៣១ ខែមករា ឆ្នាំ២០២៣ បានរៀបចំពិធីបិទវគ្គហ្វឹកហ្វឺនបំប៉នជំនាញ ភស្តុភារ ហិរញ្ញវត្ថុ និង យន្តយុទ្ធ ជូនដល់នាយទាហានរបស់អង្គភាព ដែលពិធីនេះស្ថិតក្រោមអធិបតីភាព ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ទោ ប៉ូ វណ្ណៈ មេបញ្ជាការស្តីទី យោធភូមិភាគពិសេស ។
មានមតិសំណេះសំណាលផ្តាំផ្ញើក្នុងឱកាសនេះ ឧត្តមសេនីយ៍ត្រី អ៊ុំ សុភា បានណែនាំដល់សិក្ខាកាមទាំងអស់ ត្រូវយកចិត្តទុកដាក់ យកចំណេះជំនាញដែលបានរៀនសូត្រនេះ ទៅអភិវឌ្ឍន៍នៅក្នុងអង្គភាពរបស់ខ្លួន ឲ្យបានល្អប្រសើរ ។
គួរបញ្ជាក់ផងដែរថា វគ្គហ្វឹកហ្វឺនជំនាញ ភស្តុភារ ហិរញ្ញវត្ថុ និង យន្តយុទ្ធ របស់អង្គភាពតំបន់ប្រតិបត្តិការសឹករងកំពង់ឆ្នាំង មានសិក្ខាកាមសរុបចំនួន ៣០នាក់ បានបើកវគ្គហ្វឹកហ្វឺនកាលពីថ្ងៃទី០៣ ខែមករា ឆ្នាំ២០២៣ ជាលទ្ធផលសិក្ខាកាមទទួលបាន និទ្ទេសល្អ ០៣នាក់ ល្អបង្គួរ ២១នាក់ មធ្យម ០៦នាក់ និង ទទួលបានប័ណ្ណសរសើរចំនួន ៣នាក់ លិខិតសរសើរចំនួន ៦នាក់ ៕
