សម្ដេចតេជោ បង្ហាញការទុកចិត្តលើក្រសួងអប់រំ លោកគ្រូអ្នកគ្រូ រដ្ឋបាលគ្រប់ជាន់ថ្នាក់ ចំពោះកិច្ចការពារសិស្សប្រលងបាក់ឌុបឆ្នាំនេះ
ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានបង្ហាញការទុកចិត្តលើក្រសួងអប់រំលើលោកគ្រូអ្នកគ្រូលើរដ្ឋបាលគ្រប់ជាន់ថ្នាក់ ចំពោះកិច្ចការពារសិស្សប្រលងបាក់ឌុបឆ្នាំនេះ។
តាមរយៈសារដែលបានបង្ហោះលើបណ្ដាញសង្គមហ្វេសប៊ុក សម្ដេចបានលើកឡើងយ៉ាងដូច្នេះថា “ សូមជូនពរចៅៗដែលត្រូវប្រឡងមធ្យមសិក្សាទុតិយភូមិសូមមានសុខភាពល្អនិងមានជោគជ័យ។ ទុកចិត្តលើក្រសួងអប់រំលើលោកគ្រូអ្នកគ្រូលើរដ្ឋបាលគ្រប់ជាន់ថ្នាក់ ការពារដល់ចៅៗរាប់ទាំងកូវីដ.១៩ផង”។
សូមបញ្ជាក់ថា ប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ២០២២នេះ ចាប់ផ្ដើមដំណើរការសម័យប្រឡង រយៈពេល ២ថ្ងៃ ចាប់ពីថ្ងៃទី៥-៦ ខែធ្នូ ឆ្នាំ២០២២ ដោយមានបេក្ខជនប្រឡងចំនួន១២៨ ១៣៤នាក់ ក្នុងនោះ ស្រីចំនួន ៦៨ ៧៧១នាក់ ព្រមទាំងមានមណ្ឌលប្រឡង ចំនួន ២២១មណ្ឌល ស្មើនឹងចំនួន ៥ ១៧៤បន្ទប់ និងមានការចូលរួមដោយគណៈមេប្រយោគ និងគណៈកម្មការនានា ក្នុងដំណើរនោះប្រឡង ចំនួន ២៧ ៧៥៣ នាក់៕
