អំណោយសម្ភារៈឱសថមួយចំនួន សម្រាប់ព្យាបាលជំងឺត្រូវបាន ឧត្ដមសេនីយ៍ត្រី មាន ស៊ីសុវណ្ណនី និងលោកជំទាវ ផ្ដល់ជូនបញ្ជាការដ្ឋានការពារអាកាសកងទ័ពជើងគោក
ភ្នំពេញ៖ កងឯកភាពបញ្ជាការដ្ឋានការពារ អាកាសកងទ័ពជើងគោក នៅថ្ងៃទី២៤ ខែវិច្ឆិកា ឆ្នាំ២០២២ បានទទួលអំណោយសម្ភារៈឱសថ សម្រាប់ព្យាបាលជំងឺទូទៅជូនកងទ័ព និងក្រុមគ្រួសារពីឧត្តមសេនីយ៍ត្រី មាន ស៊ីសុវណ្ណនី ជំនួយការ ឯកឧត្តម មាស សុភា និងលោកជំទាវ ដែលបានជួយឧបត្ថម្ភសម្ភារៈឱសថព្យាបាលជំងឺទូទៅជូនដល់កងឯកភាពបញ្ជាការដ្ឋានការពារអាកាសកងទ័ពជើងគោក ក្នុងនោះរួមមាន សេរ៉ូមចំនួន២កេស ស្មើនឹង៦០ កំប្លោក និងខ្សែសេរ៉ូមចំនួន៦០ខ្សែ ជូនដល់កងឯកភាព បញ្ជាការដ្ឋានការពារអាកាសកងទ័ពជើងគោក សម្រាប់ផ្គត់ផ្គង់ប្រើប្រាស់ព្យាបាលជម្ងឺទូទៅជូនកងទ័ព និងក្រុមគ្រួសារទៅតាមសេចក្ដីត្រូវការជាក់ស្ដែងនៅក្នុងអង្គភាព។
ឧត្តមសេនីយ៍ទោ សុខ ប៉ាង នាយសេនាធិការរងកងទ័ពជើងគោក មេបញ្ជាការ បញ្ជាការដ្ឋានការពារអាកាស ក្នុងនាមថ្នាក់ដឹកនាំគណៈបញ្ជាការក៏ដូចជាកងកម្លាំងប្រដាប់អាវុធទាំងអស់នៅក្នុងកងឯកភាពបញ្ជាការដ្ឋានការពារអាកាសកងទ័ពជើងគោក សូមសម្ដែងនូវការកោតសរសើរ និងអរគុណយ៉ាងជ្រាលជ្រៅចំពោះទឹកចិត្តសប្បុរសរបស់ ឧត្តមសេនីយ៍ត្រី មាន ស៊ីសុវណ្ណនី និងលោកជំទាវ ដែលបានបរិច្ចាគសម្ភារៈឱសថមួយចំនួនដើម្បីជួយសម្រួលដោះស្រាយព្យាបាលសុខភាពសាធារណៈក៏ដូចជាការរួមចំណែកជាមួយរាជរដ្ឋាភិបាលក្នុងការចូលរួមទប់ស្កាត់ ប្រយុទ្ធប្រឆាំង និងជម្ងឺឆ្លងនានាបានមួយចំណែកផងដែរ៕\
