ឯកឧត្តម អ៊ុន ចាន់ដា អញ្ជើញក្នុងពិធីសំណេះសំណាល និងចែកអំណោយមនុស្សធម៌ជូនដល់ប្រជាពលរដ្ឋខ្មែរឥស្លាម រស់នៅឃុំសំបួរមាស
ភ្នំពេញ៖ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្តម រ៉ូហ្វី អូស្មាន អ្នកតំណាងរាស្ត្រមណ្ឌលខេត្តពោធិ៍សាត់ តំណាងដ៏ខ្ពង់ខ្ពស់ឯកឧត្តម អូស្ម័ន ហាសាន់ ទេសរដ្ឋមន្ត្រីរដ្ឋមន្ត្រី ទទួលបន្ទុកបេសកកម្មពិសេស នារសៀលថ្ងៃទី០៦ ខែវិច្ឆិកា ឆ្នាំ២០២២ បានអញ្ជើញក្នុងពិធីសំណេះសំណាល និងចែកអំណោយមនុស្សធម៌របស់សហគម ហាសាន់ ជូនដល់ប្រជាពលរដ្ឋខ្មែរឥស្លាម រស់នៅឃុំសំបួរមាស ក្រុងកំពង់ចាម ចំនួន ១៩០គ្រួសារ។
ក្នុងពិធីនេះមានការអញ្ជើញចូលរួមពីសំណាក់ ឯកឧត្តម ស្លេះ ពុនយ៉ាមីន អ្នកតំណាងរាស្ត្រមណ្ឌលខេត្តកំពង់ចាម និងលោកជំទាវ ម៉ាណ ណាវី អ្នកតំណាងរាស្ត្រមណ្ឌលរាជធានីភ្នំពេញ ឯកឧត្តម លោកជំទាវប្រតិភូ ឯកឧត្តម លោកជំទាវ អភិបាលរងខេត្ត លោកនាយករងរដ្ឋបាលសាលាខេត្ត អាជ្ញាធរក្រុង មន្ទីរ-អង្គភាពជុំវិញខេត្ត និងមន្ត្រីពាក់ព័ន្ធ ផងដែរ ៕
