ឯកឧត្តម អ៊ុក ដាមរី បានអញ្ជើញចុះពិនិត្យស្ថានភាពទឹកជំនន់ នៅក្នុងភូមិថ្មី ឃុំពាមរាំង ស្រុកលើកដែក
ភ្នំពេញ៖ ឯកឧត្តម អ៊ុក ដាមរី អ្នកតំណាងរាស្ត្រមណ្ឌលខេត្តកណ្ដាល និងជាសមាជិកគណៈកម្មការទី១០ នៃរដ្ឋសភា អមដំណើរដោយ ឯកឧត្តម មិត្ត ទីមាន នាយករងខុទ្ទកាល័យលោកជំទាវកិត្តិសង្គហបណ្ឌិត ឃួន សុដារី អនុប្រធានទី២ នៃរដ្ឋសភា និងជាអនុប្រធានក្រុមការងារចុះជួយមូលដ្ឋានឃុំពាមរាំង និងលោក ជ្រិន វឿន មេឃុំពាមរាំង រួមទាំងឯកឧត្តម លោកជំទាវ លោក លោកស្រី ក្រុមការងារ នារសៀលថ្ងៃទី៩ ខែតុលា ឆ្នាំ២០២២ បានអញ្ជើញចុះពិនិត្យស្ថានភាពទឹកជំនន់ ដែលស្ថិតនៅក្នុងភូមិថ្មី ឃុំពាមរាំង ស្រុកលើកដែក ខេត្តកណ្ដាល។
ឯកឧត្តម ក៏បានណែនាំដល់អាជ្ញាធរឃុំ សហការជាមួយប្រជាពលរដ្ឋ ចាត់វិធានការទប់ និងរំដោះទឹកនៅចន្លោះភូមិសាស្រ្តដែលជន់លិច និងបន្តតាមដានស្ថានការណ៍ ហើយរាយការណ៍ជូនក្រុមការងារឱ្យបានទាន់ពេលវេលា និងសិក្សា រៀបចំរបាយការណ៍វាយតម្លៃការប៉ះពាល់ខាងលើ។
ក្នុងឱកាសនោះ ឯកឧត្តម ក៏បានឧបត្ថម្ភថវិកាជូនក្រុមការងារចំនួន ២,២០០,០០០រៀល ផងដែរ ៕
