ឧត្តមសេនីយ៍ទោ ដួង សំនៀង៖ នាយទាហាន ពលទាហាន ទាំងអស់ត្រូវបន្តរយកចិត្តទុកដាក់ លើការងារបង្ករ បង្កើនផល ជាពិសេសត្រូវចាកឆ្ងាយពីគ្រឿងញៀន

ភ្នំពេញ៖ ឯកឧត្តម ឧត្តមសេនីយ៍ទោ ដួង សំនៀង មេបញ្ជាការកងពលតូចអន្តរាគមន៍លេខ៧ នាថ្ងៃទី៧ ខែតុលា ឆ្នាំ២០២២ បានអញ្ជើញជាអធិបតីភាពក្នុងកិច្ចប្រជុំបូកសរុបលទ្ធផលការងារយោធា ប្រចាំខែតុលា ឆ្នាំ២០២២ និងដាក់ចេញទឹសដៅការងារយោធាប្រចាំខែ វិច្ចការ ឆ្នាំ២០២២ ដោយមានការចូលរួមពីសំណាក់ឯកឧត្តមមេបញ្ជាការរង មេបញ្ជាការវរ:សេនាតូចទាំង៤ ចំណុះកងពលផងដែល ។

ឧត្តមសេនីយ៍ទោ ដួង សំនៀង មេបញ្ជាការកងពលតូចអន្តរាគមន៍លេខ៧ បានមានប្រសាសន៍បែបនេះ នៅក្នុងពិធីបូកសរុបលទ្ធផលការងារយោធា របស់អង្គភាព នាពេលនេះ គឺចង់បញ្ជាក់ឱ្យកាន់តែច្បាស់ ក្នុងការយកចិត្តទុកដាក់ ទាំងកម្លាំងកាយ កម្លាំងចិត្តយ៉ាងធំធេងរបស់កងទ័ព បាននិងកំពុងខិតខំបំពេញបេសសកម្ម នៅតាមបន្ទាត់ព្រំដែន។
ក្រោមអនុសាសន៍ប្រកបដោយគតិបណ្ឌិតរបស់សម្តេចតេជោ នាយករដ្ឋមន្រ្តី នៃព្រះរាជាណាចក្រកម្ពុជា ដែលកងយោធពលខេមរភូមិន្ទ មានតួនាទីយ៉ាងសំខាន់ និងចាំបាច់បំផុត ក្នុងកិច្ចការ ការពារអធិបតេយ្យភាព ឯករាជ និងបូរណភាពដែនដី។

លោកមេបញ្ជាការ បានបន្តរទៀតថា ត្រួវបន្តរតាមដាន ដោយត្រួតពិនិត្យ ត្រៀមជាប់ជាប្រចាំ នូវកម្លាំងអន្តរាគមន៍ និងត្រៀមអនុវត្តន៍រាល់បទបញ្ជាដែលថ្នាក់លើប្រគល់ជូនគ្រប់ពេលវេលា បន្តរយកចិត្តទុកដាក់ពង្រឹងសាមគ្គីផ្ទៃក្នុងឱ្យបានល្អ ក្តាប់ឱ្យជាប់រាល់សភាពការណ៍ នៅតំបន់ឈរជើង ទប់ស្កាត់រាល់បទល្មើសផ្សេងៗ ពិសេសគឺបញ្ហាគ្រឿងញៀន ចូលរួមសហការ ជាមួយកម្លាំងមានសមត្ថកិច្ច និងអាជ្ញាធរដែនដី ដើម្បីរក្សាអោយបាននូវភូមិឃុំមានសុវត្ថិភាព។

លោកមេបញ្ជាការកងពល បានក្រើនរំលឹកដល់នាយទាហាន ពលទាហាន ទាំងអស់ត្រូវបន្តរយកចិត្តទុកដាក់លើកាងារបង្ករបង្កើនផលដាំណាំផ្សេងៗ និងជៀសឆ្ងាយពីរគ្រឿងញៀន ក្នុងនោះ បើសិនជា មាន យោធិនរូបណា បានប្រើប្រាស់នូវសារធាតុគ្រឿងញៀន និងត្រូវកាត់ឈ្មោះបណ្តេញចេញពីរអង្គភាព ៕