ឯកឧត្តម ដួង សំនៀង រួមទាំងក្រុមការងារ នាំយកអំណោយជូនដល់ក្មេងកំព្រា ២នាក់បងប្អូនដែលកំពុងជួបការលំបាក
ភ្នំពេញ៖ ឯកឧត្តម ដួង សំ នៀង សមាជិកគណៈកម្មការកណ្ដាល គណបក្សប្រជាជន និងជាប្រធានក្រុមការងារចុះមូលដ្ឋានឃុំស្រអែម រួមទាំងក្រុមការងារ នាថ្ងៃទី៧ ខែតុលា ឆ្នាំ២០២២ បានអញ្ជើញចុះសួរសុខទុក្ខ និងនាំយកនូវ ថវិការ គ្រឿងឧបភោគបរិភោគ មួយចំនួន ជូនដល់ ក្មេងស្រី ពីរ អ្នកបងប្អូន ដែលកំព្រាឪពុក.ម្តាយ ទី១មានឈ្មោះ ភួនស្រីទូ អាយុ១០ និងទី២ ឈ្មោះ ភួន ចាន់ទី អាយុ៨ បច្ចុប្បន្នកំពុងស្នាក់នៅជាមួយសាច់ញាតិដែលកំពុងខ្វះខាត ស្ថិតនៅភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តព្រះវិហារ ។
ក្នុងឱកាសចុះសួរសុខទុក្ខនោះដែរ ឯកឧត្តម ដួង សំនៀង សមាជិកគណ:កម្មាធិការកណ្តាលគណបក្សប្រជាជន និងជាប្រធានក្រុមការងារចុះមូលដ្ឋានឃុំស្រអែម បានអញ្ជើញមានប្រសាសន៍ សំណេះសំណាល និងសួរសុខទុក្ខដល់ក្មួយៗដែលជាក្មេងកំព្រាពីរអ្នកបងប្អូន រួចមក ឯកឧត្តម និងទាំងក្រុមការងារបានប្រគល់នូវ ថវិការ ចំនួន ៥១.០០០០ ម៉ឺនរៀល ( ហាសិបមួយម៉ឺនរៀល ) អង្ករ២បេ ទឹកស៊ីអ៊ីវ ២យួរ ត្រីខ២យួ ទឹកសុទ្ធ១កេះ ។
ក្នុងនោះឯកឧត្តមបាន បន្ថែមទៀតថា ថ្វីត្បិតតែនេះជាអំណោយបន្តិចបន្តួច តែបានជួយរំលែកទុក្ខលំបាក របស់ក្មួយទាំង២បានមួយចំណែកផងដែរ ។ ម្យ៉ាងវិញទៀត ប្រទេសកម្ពុជាទទួលបានសុខសន្តិភាព និងការអភិវឌ្ឍមកដល់ថ្ងៃនេះ គឺក្រោមការដឹកនាំរបស់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលជានិច្ចជាកាលសម្តេច តែងតែគិតគូរអំពីសុខទុក្ខរបស់បងប្អូនប្រជាពលរដ្ឋ ជាពិសេសទីណាមានទុក្ខលំបាក ទីនោះតែងតែមានសម្តេច នៅជាមួយបងប្អូនជានិច្ច ៕
