លោកស្រី សួស សូលីដា ចុះសួរសុខទុក្ខពលរដ្ឋក្រីក្រជួបការលំបាក និងមានជម្ងឺ ៥គ្រួសារ នៅភូមិសាមគ្គី សង្កាត់ឫស្សីកែវ
ភ្នំពេញ៖ អនុសាខា សមាគមនារីខណ្ឌឫស្សីកែវ ដឹកនាំដោយ លោកស្រី សួស សូលីដា ជាប្រធាន សមាគមនារីខណ្ឌ ព្រមទាំងបណ្តាញសមាគមនារីសង្កាត់ និងភូមិ នាថ្ងៃទី៦ ខែតុលា ឆ្នាំ២០២២ បានចុះសួរសុខទុក្ខប្រជាពលរដ្ឋក្រីក្រជួបការលំបាក និងមានជម្ងឺចំនួន៥គ្រួសារ ស្ថិតនៅភូមិសាមគ្គី សង្កាត់ឫស្សីកែវ ដោយក្នុងមួយគ្រួសារទទួលបានអង្ករ២៣គ.ក្រ ឃីត ១កញ្ចប់ និងថវិកាមួយចំនួន។
ក្រុមការងារក៏បានបន្តដំណើរចុះសួរសុខទុក្ខ និងនាំយករទេះរុញ ១គ្រឿង ដែរជារបស់ ឯកឧត្តមប្រធានក្រុមការងារថ្នាក់ជាតិរាជរដ្ឋាភិបាលចុះជួយមូលដ្ឋានខណ្ឌឫស្សីកែវ ដើម្បីជួយសម្រួលទុក្ខលំបាកដល់លោកយាយ ឈាន់ សុខ ភេទស្រី អាយុ៦៧ឆ្នាំដែលមានជម្ងឺដើរមិនរួច រស់នៅភូមិសាមគ្គី សង្កាត់ឫស្សីកែវ ខណ្ឌឫស្សីកែវ ៕
