ឧត្តមសេនីយ៍ទោ សោម ស៊ុន ដឹកនាំកិច្ចប្រជុំត្រួតពិនិត្យវឌ្ឍនភាពការងារ របស់បញ្ជាការដ្ឋានតំបន់ប្រតិបត្តិ ការសឹករងកំពង់ធំ យោធភូមិភាគទី៤
ភ្នំពេញ៖ នៅទីបញ្ជាការតំបន់ប្រតិបត្តិការសឹករងកំពង់ធំ នាថ្ងៃទី២ ខែសីហា ឆ្នាំ២០២២ បានបើកកិច្ចប្រជុំត្រួត ពិនិត្យវឌ្ឍនភាពការងារ ដែលអង្គភាពតំបន់ប្រតិបត្តិការសឹករងកំពង់ធំ អនុវត្តសម្រេចបានក្នុងស្ថានភាពកូវីដ-១៩ កន្លងមក ដែលពិធីនេះប្រព្រឹត្តទៅក្រោមអធិបតីភាពឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការ សឹករងកំពង់ធំ និងមានការចូលរួមពីថ្នាក់ដឹកនាំ និងការិយាល័យ ស្ថាប័នពាក់ព័ន្ធមួយចំនួន របស់បញ្ជាការដ្ឋានតំបន់ ប្រតិបត្តិការសឹករងកំពង់ធំ និងមេបញ្ជាការផ្នែកសឹករងក្រុង-ស្រុកទាំង៩ និងវរសេនាតូចទាំងពីរផងដែរ ។
លោកវរសេនីយ៍ទោ នួន គឹមអាង នាយលេខាធិការដ្ឋាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បាន រាយការណ៍អំពីសភាពការណ៍ទូទៅ បញ្ហាប្រឈម និងវឌ្ឍនភាពការងារ ដែលអង្គភាពតំបន់ប្រតិបត្តិការសឹករងកំពង់ធំ សម្រេចបានតាមផែនការនិងភារកិច្ច ដែលថ្នាក់លើបានប្រគល់ជូន ។
ឧត្តមសេនីយ៍ត្រី ញូង ធី មេបញ្ជាការរងនាយសេនាធិការ បានបញ្ជាក់ជូនអំពីវឌ្ឍនភាព និងលទ្ធផលការងារ មួយចំនួន ដែលអនុវត្តបានក្នុងស្ថានភាពប្រយុទ្ធប្រឆាំងទប់ស្កាត់នឹងការឆ្លងជំងឺកូវីដ-១៩ ក្នុងរយៈពេលកន្លងមក និងការចូលរួមក្នុងការសហការអនុវត្តនូវគោលនយោបាយភូមិ.ឃុំមានសុវត្ថិភាព រួមចំណែករក្សាសន្តិសុខសុវត្ថិភាព ជូនប្រជាពលរដ្ឋនៅក្នុងខេត្តកំពង់ធំ ។
ឧត្តមសេនីយ៍ទោ សោម ស៊ុន បានថ្លែងនូវការកោតសរសើរ ចំពោះថ្នាក់ដឹកនាំគ្រប់លំដាប់ថ្នាក់ មេបញ្ជាការគ្រប់ បណ្តាកងឯកភាព នឹងបណ្ដាការិយាល័យ និងស្ថាប័នពាក់ព័ន្ធ ដែលបានខិតខំប្រឹងប្រែងបំពេញភារកិច្ចទទួលបានលទ្ធ ផលជោគជ័យតាមផែនការ ដែលថ្នាក់លើបានប្រគល់ជូន ។ ជាមួយនោះដែរមេបញ្ជាការតំបន់ប្រតិបត្តិការសឹករងកំពង់ធំ ក៏បានកោតសរសើរដល់ក្រុមការងារនិងក្រុមគ្រូពេទ្យចាក់វ៉ាក់សាំងការពារជំងឺកូវីដ-១៩ របស់បញ្ជាការដ្ឋានតំបន់ប្រតិ បត្តិការសឹករងកំពង់ធំ ដែលបានចាក់វ៉ាក់សាំងជូនកងទ័ព គ្រួសារកងទ័ព នគរបាល មន្ត្រីរាជការ អតីតយុទ្ធជន នៅក្នុងខេត្តកំពង់ធំ និងប្រជាពលរដ្ឋនៅស្រុកប្រាសាទបាគង ខេត្តសៀមរាប សរុបបានចំនួនជាង៥ម៉ឺន៦ពាន់ម្ជុល។ និងបាន ខិតខំកសាងអង្គភាពឲ្យមានការរីកចម្រើនជាបន្តបន្ទាប់ ទាំងខាងកសាងសំណង់សមិទ្ឋផលផ្សេងៗ ការហ្វឹកហ្វឺន ពង្រឹងកងកម្លាំង ការចូលរួមចំណែកក្នុងវិស័យមនុស្សធម៌ ជួយដល់អតីតយុទ្ឋជន និងប្រជាជនដែលមានជីវភាព លំបាកខ្វះខាតក្នុងខេត្តកំពង់ធំបានល្អប្រសើរ ។
ឧត្តមសេនីយ៍ទោ សោម ស៊ុន បានប្រគល់ភារកិច្ចសំខាន់ៗមួយចំនួន ជូនដល់ថ្នាក់ដឹកនាំគ្រប់លំដាប់ថ្នាក់ មេបញ្ជាការគ្រប់កងឯកភាព ដើម្បីបន្តអនុវត្តភារកិច្វក្នុងការងារកសាងអង្គភាពរឹងមាំ លើគ្រប់វិស័យដើម្បីវឌ្ឍនភាព រីកចម្រើន ក្នុងតួនាទីភារកិច្ចជាកងយោធពលខេមរភូមិន្ទ ៕
