ឧត្តមសេនីយ៍ឯក សុខ វាសនា ចុះត្រួតពិនិត្យ និងបេីកកិច្ចប្រជុំស្តីពីការរៀបចំកម្លាំង និងបែងចែកតួនាទីភារកិច្ចដល់មន្ត្រីច្រកទ្វារ និងមន្ត្រីផ្តល់ទិដ្ឋាការ

ភ្នំពេញ÷នារសៀលថ្ងៃចន្ទ ទី៨ ខែកញ្ញា ឆ្នាំ២០២៥ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ បានអញ្ជើញចុះត្រួតពិនិត្យ និងបេីកកិច្ចប្រជុំស្តីពីការរៀបចំកម្លាំង និងបែងចែកតួនាទីភារកិច្ចដល់មន្ត្រីច្រកទ្វារ និងមន្ត្រីផ្តល់ទិដ្ឋាការ ព្រមទាំងផ្តល់មតិណែនាំ ដេីម្បីត្រៀមលក្ខណៈសម្រាប់អនុវត្តការងារជំនាញ ក្នុងពេលបេីកដំណើរការអាកាសយានដ្ឋានអន្តរជាតិតេជោ ជាផ្លូវការ ចាប់ពីថ្ងៃទី៩ ខែកញ្ញា ឆ្នាំ២០២៥ នេះតទៅ ដោយមានការចូលរួមពី ឯកឧត្តម អគ្គនាយករងអន្តោប្រវេសន៍ ប្រធាននាយកដ្ឋានជនបរទេសមិនមែនអន្តោប្រវេសន្ត ប្រធាននាយកដ្ឋានច្រកទ្វារទី១ ប្រធាននាយកដ្ឋានបច្ចេកវិទ្យាអន្តោប្រវេសន៍ អនុប្រធាននាយកដ្ឋាន នាយការិយាល័យ នាយប៉ុស្តិ៍ នាយរងប៉ុស្តិ៍ និងមន្ត្រីប៉ុស្តិ៍ នៅបន្ទប់ប្រជុំប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ៕