ឧត្តមសេនីយ៍ត្រី អ៊ុំ សុភា នាំយកថវិកាបេឡាមរណសង្រ្គោះ និងអំណោយសម្តេចធិបតី និងលោកជំទាវ ឧបត្ថម្ភគ្រួសារសពសមាជិកសមាគមអតីតយុទ្ធជន
ភ្នំពេញ៖ ឯកឧត្តម ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្ត នៅថ្ងៃទី១០ ខែធ្នូ ឆ្នាំ២០២៤ បានអញ្ជើញប្រគល់ថវិកាបេឡាមរណសង្រ្គោះចំនួន ១២,០០០,០០០ រៀល លិខិតចូលរួមរំលែកមរណទុក្ខ រួមនឹងអំណោយរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាអនុប្រធានទី១ សមាគមអតីតយុទ្ធជនកម្ពុជា និង លោកជំទាវបណ្ឌិត ពេជ ចន្ទមុន្នី ក្នុងនោះមាន អង្ករ ៧៥គីឡូក្រាម មី៣កេស ទឹកត្រី ៣យួរ ទឹកស៊ីអ៉ីវ ៣យួរ ជូនដល់គ្រួសារសពសមាជិកសមាគមអតីតយុទ្ធជនកម្ពុជា ចំនួន ០៣គ្រួសារ នៅក្រុងកំពង់ឆ្នាំង ដែលពិធីនេះប្រព្រឹត្តទៅនៅ ទីបញ្ជាការ តំបន់ប្រតិបត្តិការសឹករងកំពង់ឆ្នាំង ដោយមានការចូលរួមពីក្រុមការងារលេខាធិការដ្ឋាន ស.អ.ក អាជ្ញាធរក្រុង សង្កាត់ រួមនឹងកងកម្លាំងទាំងបីប្រភេទ ជាច្រើនរូបផងដែរ ។
ឯកឧត្តម អ៊ុំ សុភា បានពាំនាំប្រសាសន៍ផ្តាំផ្ញើ សួរសុខទុក្ខ និងចូលរួមរំលែកមរណទុក្ខ ជាមួយគ្រួសារសពអតីតយុទ្ធជន ពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាអនុប្រធានទី១ សមាគមអតីតយុទ្ធជនកម្ពុជា ព្រមទាំងលោកជំទាវបណ្ឌិត ពេជ ចន្ទមុន្នី ផងដែរ ។
ឯកឧត្តម បានបន្តថា សម្តេចតេជោ ទោះបីជាសម្តេចមិនបន្តជានាយករដ្ឋមន្ត្រី ប៉ុន្តែក្នុងនាមសម្តេចជាប្រធានសមាគមអតីតយុទ្ធជនកម្ពុជា ក៏ដូចជាសម្តេចធិបតី នាយករដ្ឋមន្ត្រី និង លោកជំទាវ តែងតែយកចិត្តទុកដាក់គិតគូរពីសុខទុក្ខរបស់បងប្អូនអតីតយុទ្ធជនគ្រប់ទីកន្លែង ដែលជាអ្នកបានចូលរួមលះបង់សាច់ស្រស់ឈាមស្រស់ជាមួយសម្តេច ដើម្បីរំដោះប្រទេសជាតិពីរបបប្រល័យពូជសាសន៍ ប៉ុល ពត រហូតធ្វើឲ្យប្រទេសមានសុខសន្តិភាព និងការអភិវឌ្ឍន៍ដូចសព្វថ្ងៃនេះ ។
ក្រុមគ្រួសារសពអតីតយុទ្ធជនទាំង០៣គ្រួសារ បានថ្លែងអំណរគុណយ៉ាងជ្រាលជ្រៅជាទីបំផុតជូនចំពោះ សម្តេចតេជោ សម្តេចធិបតី និងលោកជំទាវ ព្រមទាំងក្រុមការងារ ដែលបាននាំយកថវិកាមកឧបត្ថម្ភដល់ពួកគាត់នាពេលនេះ និង សូមគោរពជូនពរ សម្តេច លោកជំទាវ ឯកឧត្តម ព្រមទាំងក្រុមការងារ សូមមានសុខភាពល្អបរិបូណ៌ និងជួបនូវពុទ្ធពរទាំង៤ប្រការ កុំបីឃ្លៀងឃ្លាតឡើយ ៕
