អគ្គនាយកពន្ធនាគារ ជួបពិភាក្សាការងារជាមួយថ្នាក់ដឹកនាំនៃក្រសួងសង្គមកិច្ច អតីតយុទ្ធជន និងយុវនីតិសម្បទា
ភ្នំពេញ៖ នាព្រឹកថ្ងៃទី០២ ខែកញ្ញា ឆ្នាំ២០២៤ នៅទីស្តីការក្រសួងមហាផ្ទៃ ឯកឧត្តម ឧត្តមអគ្គានុរក្ស១ ឈន សាណាត អគ្គនាយកនៃអគ្គនាយកដ្ឋានពន្ធនាគារ បានអញ្ជើញជួបពិភាក្សាការងារជាមួយ ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទា នៃក្រសួងសង្គមកិច្ច អតីតយុទ្ធជន និងយុវនីតិសម្បទា និងសហការី ស្តីពីអនីតិជន ដែលកំពុងស្ថិតនៅក្នុងពន្ធនាគារ មណ្ឌលអប់រំកែប្រែ និងមណ្ឌលយុវនីតិសម្បទា។
ជំនួបពិភាក្សានេះ គឺផ្តោតសំខាន់លើគោលបំណងមួយចំនួនដូចខាងក្រោម៖
១.ធ្វើបច្ចុប្បន្នភាពបញ្ជីឈ្មោះអនីតិជនទំនាស់នឹងច្បាប់តាម ពន្ធនាគាររាជធានី-ខេត្ត ប្រចាំខែ
២.ស្នើសុំអនុញ្ញាតឲ្យប្រតិភូក្រសួងសង្គមកិច្ច អតីតយុទ្ធជន និងយុវនីតិសម្បទា ទស្សនកិច្ចនិងជួបពិភាក្សាការងារជាមួយថ្នាក់ដឹកនាំពន្ធនាគារ រាជធានី-ខេត្ត លើការងារអនីតិជនទំនាស់នឹងច្បាប់
៣.ស្នើសុំអនុញ្ញាតឲ្យមន្ត្រី ឬភ្នាក់ងារផ្តល់សេវាសង្គមកិច្ចជួបប្រឹក្សាយោបល់ និងសួរសុខទុកអនីតិជនទំនាស់នឹងច្បាប់
៤.ស្នើសុំព័ត៌មានអំពីអនីតិជនទំនាស់នឹងច្បាប់នៅពេលអនុវត្តទោសរួច ដែលត្រូវសមាហរណកម្មទៅសហគមន៍វិញ
៥.ជួបពិភាក្សាការងារបច្ចេកទេសជាមួយមន្ត្រី ថ្នាក់ដឹកនាំ ពន្ធនាគារ រាជធានី-ខេត្ត លើការងារបង្កើតមណ្ឌលយុវនីតិសម្បទារាជធានី-ខេត្តពាក់ព័ន្ធ ៕
