លោកឧត្តមសេនីយ៍ទោ គង់ មនោ ដឹកនាំកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការប្រចាំខែមិថុនា និងលើកទិសដៅការងារអនុវត្តបន្ត ឆ្នាំ២០២៤
ភ្នំពេញ៖ នៅព្រឹកថ្ងៃទី២៥ ខែកក្កដា ឆ្នាំ២០២៤ លោកឧត្តមសេនីយ៍ទោ គង់ មនោ ស្នងការ នៃស្នងការដ្ឋាននគរបាលខេត្តកោះកុង បានដឹកនាំកិច្ចប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការប្រចាំខែមិថុនា និងលើកទិសដៅការងារអនុវត្តបន្ត សម្រាប់ខែកក្កដា ឆ្នាំ២០២៤ និងផ្សព្វផ្សាយសេចក្តីសម្រេចលេខ ៤១១៨ សសរ ចុះថ្ងៃទី២៨ ខែមិថុនា ឆ្នាំ២០២៤ របស់ក្រសួងមហាផ្ទៃ ស្តីពីការបង្កើតក្រុមការងារតាមដានការអនុវត្តគោលការណ៍របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
កិច្ចប្រជុំនេះត្រូវបានប្រារព្ធធ្វើនៅស្នងការដ្ឋាននគរបាលខេត្ត ដោយមានការអញ្ជើញចូលរួមពី លោក លោកស្រីស្នងការរង លោកនាយការិយាល័យ លោកអធិការនគរបាលក្រុង ស្រុក លោកមេបញ្ជាការវរព្រំដែនគោកលេខ ៨២៧ និងលោកនាយប៉ុស្តិ៍នគរបាលរដ្ឋបាលឃុំ-សង្កាត់ សរុបចំនួន ៩២នាក់។
ក្នុងឱកាសនោះ លោកឧត្តមសេនីយ៍ទោ គង់ មនោ បានថ្លែងនូវការកោតសរសើដល់ លោក លោកស្រី ថ្នាក់ដឹកនាំនិងមន្ត្រី គ្រប់ផ្នែកពាក់ព័ន្ធដែលបានប្រឹងប្រែងបំពេញការងាររហូតបានលទ្ធផលល្អ។
ទន្ទឹមគ្នានោះលោកឧត្តមសេនីយ៍ទោ ស្នងការ បានដាក់ចេញផែនការ ដល់កងកម្លាំងនគរបាលទាំងអស់៖
-ត្រូវអនុវត្តន៍ តួនាទី ភារកិច្ច ឲ្យបានល្អ ត្រូវគោរពច្បាប់ គោរពវិន័យ និងគោរពបទបញ្ជារបស់ថ្នាក់ដឹកនាំឲ្យបានល្អ។
-ត្រូវក្តាប់រាល់ព័ត៌មាន និងគ្រប់គ្រងរាល់សភាពការណ៍តាមព្រំដែន និងត្រូវសហការឲ្យបានល្អជាមួយ សមត្ថកិច្ច និងអាជ្ញាធរពាក់ព័ន្ធ ដើម្បីងាយស្រួលក្នុងការបំពេញការងារ។
-បន្តធ្វើបច្ចុប្បន្នភាព អន្តោប្រវេសន៍ចំណាកស្រុក ចំណូលស្រុក តាមភោជនីយដ្ឋាន បៀហ្កាដិន សណ្ឋាគារ និងផ្ទះសំណាក់។
-ពង្រឹងការផ្សព្វផ្សាយច្បាប់ចរាចរណ៍ដល់ប្រជាពលរដ្ឋ អ្នកដំណើរ សិស្សសាលា ជាពិសេស អ្នកបើលបរម៉ូតូដែលមានស៊ីម៉ាំងប្រេង ដែលបង្ករការរំខាន ដល់បងប្អូនប្រជាពលរដ្ឋ។
-ពង្រឹង បង្ការទប់ស្កាត់ បង្រាបរាល់បទល្មើសព្រហ្មទណ្ឌ បទល្មើសគ្រឿងញៀន និងក្មេងទំនើង។
-បន្តពង្រឹងការយាមល្បាត វេនប្រចាំបញ្ជា ត្រៀមកម្លាំង អន្តរាគមន៍២៤ម៉ោង ឱ្យមានប្រសិទ្ធភាពខ្ពស់ ៕
