ក្រុមគ្រួសារស.ស.យ.ក និងសប្បុរសជនចូលរួមរំលែកទុក្ខលំបាក ជាមួយក្រុមគ្រួសារនិស្សិតស្ថាបត្យកម្មឆ្នាំទី៣ ជួបគ្រោះថ្នាក់ចរាចរណ៍ស្លាប់
ភ្នំពេញ៖ នាថ្ងៃទី២៣ ខែមករា ឆ្នាំ២០២៤ នេះស.ស.យ.ក ខេត្តពោធិ៍សាត់ បាននាំយកនូវបច្ច័យ សរុបចំនួន ១,០៦៥,០០០រៀល និង ៣៦០ដុល្លារ ជាបច្ច័យចូលរួមរបស់ ឯកឧត្តម ខូយ រីដា អភិបាលខេត្ត និងថវិការបស់ ឯកឧត្តមបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធាន សហភាពសហព័ន្ធយុវជនកម្ពុជាខេត្តពោធិ៍សាត់ និងសប្បុរសជននានា ក្រុមការងារយុវជន សហភាពសហព័ន្ធយុវជនកម្ពុជាខេត្ត ស្រុក ឃុំ ចូលរួមរំលែកទុក្ខជាមួយក្រុមគ្រួសារសព កញ្ញា ង៉ែត ស្រីម៉ៅ ជានិស្សិតឆ្នាំទី៣ ផ្នែកស្ថាបត្យកម្ម ដែលបានទទួលមរណ:ភាពដោយគ្រោះថ្នាក់ចរាចរណ៍ នៅស្ពាន OCIC ឫស្សីកែវ កាលពីថ្ងៃទី២០ ខែមករា ឆ្នាំ២០២៤ កន្លងទៅថ្មីៗនេះ ។
គេហដ្ឋាននៃ ស្ថិតនៅភូមិព្រៃរោង ឃុំតាលោ ស្រុកតាលោសែនជ័យ ខេត្តពោធិ៍សាត់ ។ ថវិកាខាងលើនេះផ្តល់ជូនគ្រួសារនៃសពតាមរយៈ លោក សំ ណារិទ្ធិ អភិបាលស្រុកតាលោសែនជ័យ និងជាអនុប្រធាន សហភាពសហព័ន្ធយុវជនកម្ពុជាខេត្តពោធិ៍សាត់និង លោក វេត វិសេសបញ្ញា ប្រធានមន្ទីរ ទំនាក់ទំនងរដ្ឋសភា ព្រឹទ្ធសភា និងអធិការកិច្ចខេត្ត និងជាអនុប្រធាន សហភាពសហព័ន្ធយុវជនកម្ពុជាខេត្តពោធិ៍សាត់។
