រដ្ឋបាលខេត្តតាកែវ រៀបចំអបអរសាទរទិវាប្រយុទ្ធប្រឆាំងជំងឺអេដស៍ ១ធ្នូ ឆ្នាំ២០២៣ ក្រោមប្រធានបទ សហគមន៍តែមួយឆ្ពោដឹកនាំបញ្ចប់ជំងឺអេដស៍
ភ្នំពេញ៖ នាព្រឹកថ្ងៃចន្ទ ទី១១ ខែធ្នូ ឆ្នាំ២០២៣ ឯកឧត្តម អ៊ូច ភា ប្រធានគណៈកម្មាធិកាសាខាកាកបាទក្រហមកម្ពុជាខេត្តតាកែវ និងជាប្រធានគណៈកម្មការអេដស៍ខេត្ត បានអញ្ជើញជាអធិបតីក្នុងពិធីអបអរសាទរ ទិវាប្រយុទ្ធប្រឆាំងជំងឺអេដស៍ ១ធ្នូ ឆ្នាំ២០២៣ ក្រោមប្រធានបទ សហគមន៍តែមួយឆ្ពោដឹកនាំបញ្ចប់ជំងឺអេដស៍ ដែលបានប្រារព្ធធ្វើឡើងនៅបរិវេណវិទ្យាស្ថានបច្ចេកទេសភូមិភាគតេជោសែនតាកែវ។
ក្នុងពិធីនេះក៏មានការអញ្ជើញចូលរួមដោយ ឯកឧត្តម លោកជំទាវ លោក លោកស្រី សមាជិក សមាជិក សាខាកាកបាទក្រហមកម្ពុជាខេត្ត ព្រមទាំង លោក នាយក នាយករង វិទ្យាស្ថាន បុគ្គលិក សិស្សនិស្សិត ព្រមទាំង បងប្អូនប្រជាពលរដ្ឋ មានផ្ទុកមេរោគអេដស៍ ជាច្រើនកុះករផងដែរ ។
ឆ្លៀតក្នុងឱកាសនោះ ឯកឧត្តម អ៊ូច ភា ក៏បានអានសារលិខិតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍនៅកម្ពុជា ក្នុងឱកាសទិវាពិភពលោកប្រយុទ្ធនឹងជំងឺអេដស៍ ១ ធ្នូ ឆ្នាំ២០២៣ ក្រោមប្រធានបទ «សហគមន៍តែមួយដឹកនាំឆ្ពោះទៅបញ្ចប់ជំងឺអេដស៍» ជូនអង្គពិធីទាំងមូលបានស្ដាប់ផងដែរ។
បន្ទាប់ពីបានសារលិខិតរួចមក ឯកឧត្តម អ៊ូច ភា ក៏បានលើកឡើងថា ដើម្បីអាចបញ្ចប់ជំងឺអេដស៍បាន គឺទាមទារឲមានការចូលរួម ឲបានពេញលេញ និងប្រកបដោយការយកចិត្តទុកដាក់ខ្ពស់ពីគ្រប់ភាគីពាក់ព័ន្ធទាំងអស់ ដូចដែលកម្ពុជា ធ្លាប់បាននិងកំពុងបន្តអនុវត្ត ក្នុងការឆ្លើយតបទូលំទូលាយ និងពហុវិស័យ ទៅនឹងមេរោគអេដស៍/ជំងឺអេដស៍ ដោយមិនទុកនរណាម្នាក់នៅឯកោឡើយ និងការបង្កើតឲមានមធ្យោបាយអប់រំផ្សព្វផ្សាយថ្មីៗ ដែលមានលក្ខណៈឌីជីថល ៕
