លោកជំទាវ លឹម រស្មី ផ្ញើសារអបអរសាទរ និងជូនពរឯកឧត្តម ស សុខា ក្នុងឱកាសទទួលបានសញ្ញាបត្របណ្ឌិតកិត្តិយសផ្នែកមនុស្សសាស្ដ្រ ពី University of the East (UE) ប្រទេសហ្វីលីពីន

ភ្នំពេញ៖ លោកជំទាវ លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានផ្ញើសារអបអរសាទរ និងជូនពរឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា ក្នុងឱកាសទទួលបានសញ្ញាបត្របណ្ឌិតកិត្តិយសផ្នែកមនុស្សសាស្ដ្រពី University of the East (UE) នៃប្រទេសហ្វីលីពីន។

នាឱកាសដ៏នក្ខត្តឫក្សនេះ យើងខ្ញុំសូមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិក្នុងលោក ជាពិសេសទេវតាឆ្នាំថ្មី ព្រះនាមកិមិរាទេវី សូមជួយប្រោះព្រំព្រះសព្ទសាធុការពរ សិរីសួស្ដី ជ័យមង្គល វិបុលសុខ បវរមហាប្រសើរជូន ឯកឧត្តម ស សុខា និងលោកជំទាវ ព្រមទាំងក្រុមគ្រួសារជាទីស្រឡាញ់ សូមបានសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

គួរជម្រាបថា ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា បានទទួលសញ្ញាបត្របណ្ឌិតកិត្តិយសមនុស្សសាស្ដ្រពីសាកលវិទ្យាល័យ UE (University of the East) របស់ប្រទេសហ្វីលីពីន។ ពិធីប្រគល់នេះ បានប្រព្រឹត្តទៅនៅថ្ងៃទី២៦ ខែមិថុនា ឆ្នាំ២០២៣នេះ នាទីក្រុងម៉ានីល ប្រទេសហ្វីលីពីន។ ឯកឧត្ដម ស សុខា ក្លាយជាអ្នកទទួលសញ្ញាបត្រកិត្តិយស UE លើកទី៣៥ ដែលជាឥស្សរជនបរទេសទី១១ ដែលទទួលបានសញ្ញាបត្រកិត្តិយស UE និងជាបណ្ឌិតកិត្តិយសនៃ UE Doctor of Humanities លើកទី១៤។

ឯកឧត្តម ក្នុងដំណាក់កាលនៃការសិក្សា ធ្លាប់បានទទួលសញ្ញាបត្រពីរ ពីសាកលវិទ្យាល័យ ជា ស៊ីម កំចាយមារ គឺបរិញ្ញាបត្រវិទ្យាសាស្ត្រសង្គម មុខជំនាញអភិវឌ្ឍន៍ជនបទ និងអនុបណ្ឌិតវិទ្យាសាស្ត្រអប់រំ។ ទាំងនេះគឺជាសញ្ញាប័ត្រអនុបណ្ឌិតផ្នែកគ្រប់គ្រងបដិសណ្ឋារកិច្ចរបស់លោកពី PSB Academy នៃប្រទេសសិង្ហបុរី និងបរិញ្ញាបត្រច្បាប់ស៊ីវិលពី Ecole des Roches ក្នុងប្រទេសបារាំង៕