ភ្នំពេញ៖ កាលពីថ្ងៃទី៧ ខែមិថុនា ឆ្នាំ២០២៣ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងនិងយោបល់លោកឧត្តមសេនីយ៍ត្រី លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបងបានដឹកនាំកម្លាំងផ្នែកជំនាញព្រហ្មទណ្ឌ័នៃអធិការដ្ឋាននគរបាលក្រុង ឃាត់ខ្លួនមុខសញ្ញាជាជនសង័្សយចំនួន០៣នាក់ នាំមកធ្វេីការសាកសួរនៅអធិការដ្ឋាននោះគឺ៖
១-ឈ្មោះញ៉ែម ប៊ុនធឿន ហៅ ហេីម ភេទប្រុស អាយុ ៣៣ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង ។
២-ឈ្មោះថោង សុភ័ក្រ ហៅកែវ ភេទប្រុស អាយុ ២៩ឆ្នាំ រស់នៅភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង ។
៣-ឈ្មោះសេត ឆៃហ្វុង ហៅជ្រូក ភេទប្រុស អាយុ —-ឆ្នាំ រស់នៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង។
សម្ភារះដកហូត៖-ដែកទីបមូលចំនួន ១០ដេីមខ្លី -ដែកជេីងតម្រង់ចំនួន ១០ដេីម -ដែកក្រចាប់ពុម្ព ចំនួន០១ -ពូថៅ ចំនួន ០១ -ញញួរ ចំនួន ០១-រទេះដែក ចំនួន ០១ -ម៉ូតូវីវ៉ា ពណ៌ក្រហម មិនចាំសេរី ពាក់ផ្លាកលេខ បាត់ដំបង 1H- 4729ចំនួនមួយគ្រឿង ។
សូមជម្រាបជូនថា នៅថ្ងៃទី៧ខែ មិ ថុនាឆ្នាំ២០ ២៣សមត្ថកិច្ចនគរបាលបានទទួលពាក្យបណ្តឹងពីជនរងគ្រោះឈ្មោះ សំបូរ ថាវីរះ ភេទប្រុស អាយុ ៣៣ឆ្នាំ មានទីលំនៅភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ ដំបង ថាមានករណីអំពើលួច ទ្រព្យសម្បត្តិរបស់ខ្លួនកាលពីថ្ងៃទី០៧ ខែមិថុនា ឆ្នាំ២ ០២៣ វេលាម៉ោង១៦ និង០០នាទីនៅចំណុចក្រុមទី ០៤ ភូមិខ្សាច់ពោយ សង្កាត់វត្តគរ ក្រុងបាត់ដំបង ខេត្តបាត់ដំបង។
សម្ភារះបាត់បង់រួមមាន៖ -ដែកទីបមូល ចំនួន ១០ដេីមខ្លី -ដែកជេីងតម្រង់ចំនួន ១០ដេីម -ដែកក្រចាប់ពុម្ព ចំនួន ០១-ពូថៅ ចំនួន ០១ -ញញួរ ចំនួន ០១។
ក្រោយពីទទួលបណ្តឹងជនរងគ្រោះសមត្ថកិច្ចធ្វើការស៊ើបអង្កេតស្រាវជ្រាវ រហូតឃាត់ខ្លួននិងដកហូតសម្ភារះ ខាងលើបាន ដែលពេលនេះសមត្ថកិច្ចបានប្រគល់ជូនម្ចាស់វិញ ហើយជនសង័្សយត្រូវអនុវត្តតាមផ្លូវច្បាប់៕
